Әһли Бејт -АБНА- хәбәр аҝентлијинин вердији хәбәрә әсасән: Азәрбајҹанла әлагәләриндә проблемләр јашандығы бир вахтда НАТО Ермәнистанла әмәкдашлығы ҝүҹләндирир.
НАТО үзв дөвләтләр мәгсәдли шәкилдә Азәрбајҹаны бу гурумла әмәкдашлыгдан узаглашдырырлар.
Шимали Атлантика Блоку тәрәфиндән јарадылан Бејнәлхалг Експертләр групу һәрби тәһсил саһәсиндә ислаһатлара дәстәк мәгсәдилә 23-26 нојабр тарихләриндә Ирәвана сәфәр едәҹәкләр. Експертләр групунда АБШ, Канада, Литва, Румынја, Исвечрә илә јанашы НАТО-нун һәрби вә мүлки забитләри дә тәмсил олунурлар.
Ермәнистан Мүдафиә Назирлији мәтбуат хидмәтиндән НЕWС.ам-а верилән мәлумата ҝөрә, сәфәрин илк ҝүнү Ермәнистан Мүдафиә Назирлијинин инзибати бинасында тәшкил едилән ҝенишләдилмиш форматлы иҹлас мүдафиә назири Сејран Оһанјан вә Тәһсил, Елм назири Армен Ашотјан башчылығы алтында кечириләҹәк.
Бејнәлхалг Експертләр групу вә АБШ сәфирлијинин нүмајәндәләринин иштиракы илә кечириләҹәк иҹласда Ермәнистан Мүдафиә Назирлији Стратежи Арашдырмалар Институту вә Милли Мүдафиә Университетинин јарадылмасы лајиһәләри мүзакирә олунаҹаг.
С.Оһанјан, Ермәнистанын стратежи сәвијјәдә һәрби вә мүдафиә тәһлүкәсизлији үзрә тәһсил һәјата кечирән белә бир елм-тәһсил гурумунун јарадылмасына әһәмијјәт вердијини дејиб. Назир АБШ-лы партнијорларын бу лајиһәјә өнәм вердикләрини билдириб.
НАТО илә Ермәнистан арасында бир сыра һәрби тәдрис програмы ҝерчәкләшәҹәк, бундан башга рәсми Ирәван Сүлһ Наминә Тәрәфдашлыг Програмында фәал иштирак едәҹәк.
Бу арада Азәрбајҹан тәрәфи НАТО илә әмәкдашлыгда бир сыра проблемләрин олдуғуну бәјан едиб. Хариҹи ишләр назиринин мүавини Араз Әзимов бу ҝүн журналистләрә ачыгламасында дејиб ки, бир-ики НАТО өлкәси Азәрбајҹана гаршы гәрәзли мөвге тутур: "Бу вәзијјәт исә бизим әл-голумузу бағлајыр”
Әзимов билдириб ки, план тәсдиг едилмирсә, әмәкдашлығын давам етдирилмәси програмдан асылы олараг јубаныр: “Бу мәсәлә бир нечә ајдыр, ләнҝијир. Биз буна ҝөрә нараһатыг. НАТО-да бизә гаршы бу мөвгенин давам етмәсини истәмәздик”.
Диггәт: Хәбәрдән истифадә етдикдә мәнбәјә истинад лазымдыр
