Әһли Бејт -АБНА- хәбәр аҝентлијинин вердији хәбәрә әсасән: Бир груп тәләбә Мәһәррәм ајынын јахынлашмасы мүнасибәтилә Ајәтуллаһул-Үзма Шејх Сафи Ҝүлпәјгани илә ҝөрүшүб.
Ҝөрүшдә Ајәтуллаһ Сафи Ҝүлпәјгани "әмр бе мәруф вә нәһј әз мүнкәр" барәдә данышыб. О дејиб ки, һамынын бөјүк мүнкәрин јәни Језидин(л) заманында сүкут етдији заман Имам Һүсејн(ә) гијам едәрәк она бејәтдән имтина едиб.
Мүнкәрә етираз едилмәјән ҹәмијјәтин өлүдән фәргләнмәдијини билдирән мәрҹеи-тәглид билдириб ки, һарада олурса-олсун әдаләтсизлик, ганунсузлуг вә зүлм һакимдирсә, орада сүкут едилмәмәлидир.
Бәзиләринин Мәһәррәм вә Сәфәр ајларыны бир мәктәб адландырдыгларына тохунан алим дејиб ки, Мәһәррәм вә Сәфәр мәктәбдән даһа артыгдыр. Чүнки Мәһәррәм вә Сәфәр бүтүн милләтләрә вә бүтүн дүнјаја аид өзүнәмәхсус дәрс вермәк игтидарындадыр.
Бүтүн бәшәрин сәадәтини әмр бе мәруф вә нәһј әз мүнкәрдә ҝөрән мәрҹеи-тәглид ҹамаатын даим мүнкәрин гаршысында дајанмасыны вә әл чәкмәмәсини тапшырараг дејиб ки, буну едәнләр саваб газанмагдан әлавә ҹәмијјәтә дә бөјүк хејир верирләр. Вә ҹәмијјәт үзвләринин әмр бе мәруф вә нәһј әз мүнкәрдән јајынмасынын фәсадлары барәдә чохлу рәвајәтләримиз вардыр ки, бујрулур ки, буну етмәјәнләр Гијамәт ҝүнү ҹәзаландырылаҹаглар.
Ашуранын вердији дәрсләрдән биринин ҝүнаһ вә фәсадын гаршысында сүкут етмәмәк олдуғуну диггәтә чатдыран Ајәтуллаһ Сафи Ҝүлпәјгани дејиб ки, һарада буну мүшаһидә едириксә, ҝәрәк сәһнәјә варид олаг вә тәзәккүр едәк. Вә инсанын ҹәмијјәтдә мөвгеји јүксәк олдугҹа әмр бе мәруф вә нәһј әз мүнкәр етмәк мәсулијјәти даһа да артыр.
Мәрҹеи-тәглид әмр бе мәруф вә нәһј әз мүнкәрин әһәмијјәтинин чох јүксәк олдуғуну билдирәрәк дејиб ки, бу әмәлин савабы ҝеҹә намазынын савабындан даһа артыгдыр.
Диггәт: Хәбәрдән истифадә етдикдә мәнбәјә истинад лазымдыр
