Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Ислам Партијасы сәдринин иҹтимаи вә тәшкилати мәсәләләр үзрә мүавини Рөвшән Әһмәдов “Медиа форум” сајтына ачыгламасында дејиб: “Јазычы рафиг тағыја суи-гәсд өлкәдәки диндар кәсимә гаршы јөнәлмиш тәхрибатдыр”.
Нојабрын 19-да јазычы рафиг тағы Бакыда бычагланыб. Беш ил әввәл јазычы “Авропа вә биз” јазысына ҝөрә диндарларын тәнгидинә, тәгибинә мәруз галмышды. 2006-ҹы илдә јазы өлкә мәтбуатында дәрҹ олундугдан сонра рафиг тағынын әлејһинә бәјанатлар верилмишди. Һәмин бәјанатлардан биринин мүәллифи Азәрбајҹан Ислам Партијасы олмушду.
Рөвшән Әһмәдов 2006-ҹы илдә Азәрбајҹан Ислам Партијасы сәдринин биринҹи мүавини иди.
Партија рәсмиси кимлијиндән асылы олмајараг һәр бир инсана гаршы јөнәлмиш амансыз давранышын тәәссүф һисси доғурдуғуну гејд едиб: “Әҝәр бычагланма факты варса, бу, һәјата суи-гәсд демәкдир. рафиг тағынын ҝүнаһынын нәдән ибарәт олмасына бахмајараг она белә мүнасибәт бәсләнмәмәлидир. Өлкәнин ганунлары вар вә әҝәр лазымдырса, о, ганунлар чәрчивәсиндә ҝүнаһландырылмалыдыр. Әҝәр рафиг тағы инсанларын инанҹларына һөрмәтсизлик едирсә, јенә дә ганунлар чәрчивәсиндә, сивил гајдада ҹәзаланмалыдыр. Бундан өтрү мәһкәмә вар. Фәрди гајдада киминсә кимисә ҹәзаландырмасы Азәрбајҹан ганунларына, еләҹә дә бәшәри гајдалара зиддир”.
Рөвшән Әһмәдовун гәнаәтинә ҝөрә, өлкәдә хаос јаратмаг, тәхрибат төрәтмәк истәјән хејли гүввә вар: “Һәр кәсә мәлумдур ки, бу ҝүн Азәрбајҹанда тәгибә, тәзјигә, репрессијаја мәруз галан диндарлардыр, Азәрбајҹан Ислам Партијасыдыр. Азәрбајҹан ҹәмијјәтиндә рафиг тағы кимиләри чохдур. Һесаб едирәм ки, рафиг тағы кимиләри дә нәјисә дәјишмәк гүдрәтиндә дејиләр. Лакин белә адамлары әлиндә ојунҹаға чевириб өз истәдикләри вәзијјәти јаратмаг, сәрфәли нәтиҹә әлдә етмәк нијјәтиндә олан гүввәләр вар. Тәәссүф ки, белә адамлар үчүн рафиг тағы вә онун кимиләр ҝөјдәндүшмәдир. рафиг тағыја гәсд едәнләр дә Азәрбајҹанда исламы тәгиб едән гүввәләр үчүн бир аләтдир.
Бу һадисә өлкә диндарларына гаршы јөнәлмиш тәхрибатдыр. Бурада мараглы гүввәләр вар. Белә вәзијјәтләрдән сонра дүшмән овуна чыхмаға башлајырлар. Белә бир еһтимал вар. Бу тәхрибат диндарлара, ислам дининә гаршыдыр. Јәни ирәли сүрүлән иттиһамлар сүбута јетирилә билмир, дәлилсиз-сүбутсуз һәбсләрин нәтиҹәсиндә исә рүсвај олурлар. Белә оланда исә рафиг тағы кимиләрини ортаја чыхарырлар вә дејирләр ки, ҝөрдүнүзмү, биз бу тәһлүкәни нәзәрдә тутурдуг”.
Диггәт: Хәбәрдән истифадә етдикдә мәнбәјә истинад лазымдыр
