Әһли Бејт -АБНА- хәбәр аҝентлијинин вердији хәбәрә әсасән: Иран Ислам Республикасы Ингилаб Кешикчиләри Корпусунун (“Сепаһ”) үзвү, “Сепаһ”ын Һава-Космик Гүввәләринин команданы Әмирәли Һаҹызадә нојабрын 20-дә журналистләрә ачыгламасында Исраил вә Гәрбин Иран Ислам Республикасына гаршы мүмкүн һүҹумундан данышыб.
Әмирәли Һаҹызадә Исраилин Иран Ислам Республикасы илә бағлы сәһвә јол вермәсини ҝөзләдикләрини билдириб: “Бизим ән бөјүк арзуларымыздан бири Исраилин Иранла бағлы сәһвә јол вермәси вә Иран Ислам Республикасына һүҹум етмәсидир. Иран Ислам Республикасы чохдандыр ки, топладығы енержини нәјәсә сәрф етмәји вә Ислам дүшмәнләрини һәмишәлик тарихин архивинә ҝөндәрмәји ҝөзләјир”.
Әмирәли Һаҹызадә “Сепаһ”ын силаһ анбарында бир нечә ҝүн әввәл баш вермиш партлајыша да тохунуб: “Исраиллиләр өзләри дә јахшы билирләр ки, бу һадисә силаһлары јербәјер едәркән баш вериб. Онлар чох да севинмәсинләр. Чүнки “Сепаһ”да шәһид Теһрани Мүгәддәм кимиләри чохдур”.
Нојабрын 12-дә пајтахт Теһранын 20 километрлијиндәки Мелард шәһәринин Бидгоне мәнтәгәсиндә Иран Ислам Республикасы Ингилаб Кешикчиләри Корпусуна (“Сепаһ”) мәхсус бөјүк силаһ вә һәрби сурсат анбарында билинмәз сәбәбләр үзүндән партлајыш олуб. Нәтиҹәдә 17 нәфәр јериндәҹә һәлак олуб, 16 нәфәр јараланыб. Һадисәдә өләнләр арасында “Сепаһ” ҝенералы Һәсән Теһрани Мүгәддәм дә вар.
Диггәт: Хәбәрдән истифадә етдикдә мәнбәјә истинад лазымдыр
