Әһли Бејт -АБНА- хәбәр аҝентлијинин вердији хәбәрә әсасән: Дәмәшгдә Әрәб Дөвләтләри Лигасынын Суријанын тәшкилатдакы үзвлүјүнү дајандырмасы барәдә гәрарын әлејһинә күтләви етираз аксијалары ҝеҹә саатларында да давам едиб.
Аксијалар артыг иғтишаш характери алыб. Алынан мәлуматлара ҝөрә, нүмајишчиләр Сәудијјә Әрәбистанынын сәфирлијинә сохулараг сәфирлик бинасыны дағыдыблар.
Митингчиләр һәмчинин Гәтәр сәфирлијини дә мүһасирәјә алыблар. Әрәб Дөвләтләри Лигасынын Суријанын тәшкилатдакы үзвлүјүнү дајандырмасы барәдә гәрар вердији иҹласына мәһз Гәтәр сәдрлик едиб.
Гејд едәк ки, Сәудијјә Әрәбистаны бөлҝә диктаторларына хүсуси дәстәји илә сечилмәкдәдир. Һәтта диктаторлара ағыр силаһларла да јардым етмәкдән чәкинмәјән Сәудијјә режими, Бәһрејн халгынын үзәринә танклар јеритмишдир.
Диггәт: Хәбәрдән истифадә етдикдә мәнбәјә истинад лазымдыр
