Әһли Бејт -АБНА- хәбәр аҝентлијинин вердији хәбәрә әсасән: Күрдәмир рајонунун мәркәзиндә јерләшән Мәсҹид канализасија вә јағыш суларынын алтында галыб. Нечә илләрдир ки, рајонда бир балаҹа јағыш јаған кими мәсҹидин һәјәтјаны саһәсини су басыр. Лакин рајон иҹра һакимијјәти бу проблеми һәлл етмир. Аллаһ евинин су алтында галмасына ҝөз јумур. Мәсҹидә ибадәтә ҝәлән инсанлар өз һесабларына мәсҹидин ичәрисинә ҝирә билмәк үчүн даш вә чынгыл алараг бир “јол” дүзәлдибләр. Ибадәт әһли мәсҹиди бош гојмамаг үчүн чәтинликлә дә олса, бураја үз тутурлар. Дәфәләрлә иҹра һакимијјәтинә мүраҹиәт олунса да, проблем галмагдадыр.
Мәсәлә илә әлагәдар Дејерлер.Орҝ-а ачыглама верән рајон иҹра һакимијјәтинин рәсмис Ағәли Ханбаба оғлу Кәримли дејиб ки, проблемин јаранмасына сәбәб мәсҹидин јахынлығындан кечән канализасија хәтдинин сырадан чыхмасыдыр. “Мәсҹидин олдуғу әрази 63-ҹү мәһәллә адланан әразидә јерләшир. Һәмин әразидә канализасија хәтти Совет дөврүндә чәкилиб вә һазырда, демәк олар ки, хәтт бәрбад ҝүндәдир. Артыг рајонун канализасија системинин јенидән гурулмасына башланылыб. Бу проблем јахын заманда һәлл олунаҹаг”
Рајон Иҹра Һакимијјәтинин Аллаһ евинин су алтында галмасына биҝанә галмасы мәсҹид әтрафында јашајан инсанлары да нараһат етмәкдәдир. Сөһбәт етдијимиз инсанлар мәсҹидин сујунун чәкилмәси үчүн лазымы тәдбирләрин ҝөрүлмәмәсиндән шикајәтләнирдиләр.
P.S: АБНА- “Еуровисион 2012” үздән ираглар үчүн нәзәрдә тутулан позғунчулуг мүсабигәсинә халгын сәрвәтини хәрҹләјәрәк күл едән әлијевләр режиминдән бундан артыг һеч бир шеј ҝөзләмәк олмаз. Дөвләтин мөвҹуд бүдҹәси әлббәт Азәрбајҹанда јашајан бир нечә нәфәрлик јәһуди вә христиан иҹмалары үчүн нәзәрдә тутулуб. Вә онда һеч бир мүсәлманын һаггы јохдур.
Диггәт: Хәбәрдән истифадә етдикдә мәнбәјә истинад лазымдыр
