Әһли Бејт -АБНА- хәбәр аҝентлијинин вердији хәбәрә әсасән: Сон заманлар сионист Исраил режиминин Иран Ислам Республикасына һүҹум етмәк үчүн һазырлыглар ҝөрдүјү барәдә мәлуматлар јајылмагдадыр. Тәрәфләр бир-бириләринә ултиматумлар верир, бир-бирини һәдәләјирләр. Иранлы политолог Зареји мәсәләјә мүнасибәт билдирәркән мараглы нөгтәләрә тохунуб. О дејиб ки, Ливанын "Һизбуллаһ" тәшкилаты гаршысында ағыр мәғлубијјәтә дүчар олмуш Исраил режиминин Ирана һүҹум едәҹәјинә инанмыр.
Һазырда бөлҝәдә ҝедән просесләрин дә буна имкан вермәдијини сөјләјән политолог гејд едиб ки, Исраил режиминин Ирана һүҹум етмәсинин мүмкүн олмадығыны дејиб. "Ливанын "Һизбуллаһ" тәшкилаты илә 2006-ҹы илин ијул ајында 33 ҝүн әрзиндә апарылан мүһарибә заманы Исраил режими ағыр зәрбә алды. Инди бу Исраил Ираны һүҹум илә тәһдид едә биләрми?", - дејә Зареји билдириб.
Политолог Иран Ислам Республикасынын өзүнүн истеһсалы олан ракетләринин олдуғуну хатырладараг әлавә едиб ки, әҝәр һәр һансы һүҹум оларса, бу ракетләр Исраил режиминә чох бөјүк сүрпризләр едәҹәк. "Әҝәр Исраил әлиндә олан баллистик ракетләрдән 100 әдәдини Ирана атмыш оларса, бу јалныз бир нечә иранлы аиләнин һәмин бөлҝәни тәрк етмәсинә сәбәб олаҹаг. Амма Иран Исраилә 4 әдәд ракет атарса, 1 милјон сионист евләрини тәрк едиб бөлҝәдән гачаҹаг", - дејә иранлы политолог Зареји гејд едиб.
Диггәт: Хәбәрдән истифадә етдикдә мәнбәјә истинад лазымдыр
