Әһли Бејт -АБНА- хәбәр аҝентлијинин вердији хәбәрә әсасән: Өтән ај әлијевләр режими тәрәфиндән шәрләнәрәк мәһкум олунмуш исламчы вәтәндашларын иши үзрә апеллјасија бахышы тәјин едилиб. Нојабрын 17-дә Бакы Апеллјасија Мәһкәмәсиндә башлајаҹаг просесә һаким Һәсән Әһмәдов сәдрлик едәҹәк.
Апеллјасија шикајәтиндә ишә там һәҹмдә мәһкәмә истинтагы кечирилмәклә вә исламчыларын иштиракы тәмин олунмагла бахылмасы, исламчыларын тәгсирсизлијинә даир бәраәт һөкмү чыхарылмасы хаһиш олунуб.
Вәкил Анар Гасымлы билдириб ки, нојабрын 12-дә о, Бакы Истинтаг Тәҹридханасында мүвәккилләри Мөвсүм Сәмәдов, Вагиф Абдуллајев вә Руфулла Ахундзадә илә ҝөрүшәҹәк.
Гејд едәк ки, Октјабрын 7-дә Бакы Ағыр Ҹинајәтләр Мәһкәмәси әлијевләр режиминин сифариши илә Азәрбајҹан Ислам Партијасынын лидери Мөвсүм Сәмәдовун 12 ил, партијанын сәдр мүавини Вагиф Абдуллајевин 11 ил, Масаллы руһаниси Фәрамиз Аббасовун 11 ил, партијанын Астара рајон тәшкилатынын сәдри Руфулла Ахундзадәнин 11 ил 6 ај, Мөвсүм Сәмәдовун гајыны Фирдовси Мәммәдрзајев, әмиси оғлу Дәјанәт Сәмәдовун исә һәр биринин 10 ил мүддәтинә һәбс верилмәсинә даир әдаләтсиз һөкм чыхарыб. Илаһијјатчы алим Зүлфүгар Микајылзадә 5 ил сынаг мүддәти тәтбиг олунмагла 11 ил шәрти һәбс ҹәзасына мәһкум едилиб.
Режим тәрәфиндән тәгсирләндирилән шәхсләр Ҹинајәт Мәҹәлләсинин 214.2.1 (Габагҹадан әлбир олан бир груп шәхс, мүтәшәккил дәстә вә ја ҹинајәткар бирлик (ҹинајәткар тәшкилат) тәрәфиндән ҹинајәтә һазырлыг); 214.2.3 (Одлу силаһдан вә силаһ гисминдә истифадә олунан предметләрдән истифадә етмәклә ҹинајәтә һазырлыг); 228.3 (Ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә); 278-ҹи (Һакимијјәти зорла әлә кечирмә вә ја ону зорла сахлама) маддәләри илә шәрләнәрәк иттиһам олунублар.
Руфулла Ахундзадә әлавә олараг Ҹинајәт Мәҹәлләсинин 283.1-ҹи (Милли, ирги, сосиал вә ја дини нифрәт вә дүшмәнчилијин салынмасына, милли ләјагәтин алчалдылмасына, һабелә милли, ирги вә ја дини мәнсубијјәтиндән асылы олараг вәтәндашларын һүгугларынын мәһдудлашдырылмасына вә ја үстүнлүкләринин мүәјјән едилмәсинә јөнәлән һәрәкәтләр, ашкар сурәтдә вә ја күтләви информасија васитәләриндән истифадә олунмагла төрәдилдикдә) маддәси илә дә шәрләнәрәк иттиһам олунуб.
Диггәт: Хәбәрдән истифадә етдикдә мәнбәјә истинад лазымдыр
