Бајрамлар бајрамлара ҹаланыр, амма бу бајрамларын да, мүхалиф вә игтидар јөнүмлүсү вар. Әҝәр бу бајрам мүхалифдирсә онда онун вај һалына, онун һеч үзүнә бахан да олмајаҹаг. Буну ким мүәјјәнләшдирир? Јох, бурда һеч бир үмуммилли сәс вермә филан кечирилмир. Садәҹә биз бајрамларымызы да, аз гала јатыб-галхмағымызы да јухарылардан сифаришлә едирик. Әши ҹанымыз сағ олсун, һәр јарағымыз битиб, бирдә бајрам дарағымыз галыб.
Амма инсафән дүнјанын рекордлар китабына дүшмәкдән мима кечән бу бајрамын кечирилмәси лабүддүр.
162 милјонлуг бајрағын ҝөјә уҹалдылмасы халгы јаман севиндирмишди, амма 2-3 дәфә ҹырыланда мәјус олмушдуг ки, бизим атрибутумуз нијә белә күләк тәрәфдән тәҹавүзә мәруз галыр. Бајраг бизим һесијјатымыздыр, бахмајараг ки халгын боғазындан кәсиб бу мөһтәшәм бајрағы уҹалдыб, онун ҝүнүнү дә тәсис етдиләр. Амма олсун тәки бизим бајрағымыз Азәрбајҹан сәмасында гүрурла далғалансын. Биз дөзүмлү, дөнүмлү, сәбирли халгыг.
Әсҝәр өлүмләринә, бајрағын тәрсинә асылмасына, 18 ил атәшкәс режиминин алтында сакит-сәссиз әл-әлә вериб јашаја билән халгыг. Јашајаг, јарадаг, ев тикәк, “ Ағ шәһәр лајһәси ” наминә адамларын евләрини башына учураг , Бакымызы ,пајтахтымызы ҝөзәлләшдирәк. Ата оғул вә мүгәддәс руһ наминә.
Дирчәләк, гуртулаг, чичәкләнәк һәр нә варса бизә аид она бајрам едәк, бизә аид олмајанлары да унутдураг, бизә нә?
Азадлыг һаггында бүтүн дејимләри, сөзләри бир кәнара гојаг. Бу сөзү Азәрбајҹан лүғәтиндән чыхараг ки балаҹалар белә бир сөзүн олмасындан үмумијјәтлә хәбәр тутмасын, бөјүкләр онсуз да һеч нәјә јарамыр.
Бизим әлимиздән бајраг шәкилләрини Фаҹебоок сәһифәләримизә јерләшдириб, јарысы сосиал шәбәкәдә олан милләтин “Бајраг бајрам”ыны тәбрик етмәкдир. Јарысыны да ТВ каналлар тәбрик едәҹәк , бу бөјүк ҝүнүн илтифатларындан данышаҹаг. Парчаланмыш, параланмыш милләти јарыја бөлмәк үчүн үрәјим ҝетдијимдән “јары ” сөзүнү тез-тез тәкрарламырам. Реаллыға диггәти мејлләндирмәк үчүн бу сәбәби өнә чәкирәм.
Ағы гара, гараны ағ јујуб сәрән телеканаллар халгын јеҝанә үмид мәнбәји олса да бир шејә јарамыр, бары һеч олмаса бу ишдә ҹанла-башла мәшғул олуб, бизи диксиндирсинләр.
“А” һәрфи илә башлајан сөзләрин бизә верәҹәји төһфәләриндән данышыб бизи фејзјаб етсинләр. Инди елә бу ТВ-ләрин етдији тәблиғатдандыр ки, ҹамаат әмәлли-башлы активләшиб. Һәтта уҹгар рајонларын бириндә јашајан узаг гоһумум белә бу ҝүн мүнасибәти илә смс ҝөндәриб бајрамымы тәбрик едир. Өлмәдик бу ҝүнү дә ҝөрдүк , ким тәрәфиндән бу бајрағын тәсис олмасындан хәбәри белә олмајан әјаләт сакини 9 Нојабр “бајраг ҝүнү ”олмасындан хәбәри вар һәтта бу өнәмли һадисәнин севинҹини бөлүшмәјини дә ачыг-ајдын анлајыр.
Бу ҹүр һәрәкәтләр адамы севиндирмәјә билмир, әлбәттә ки, бу һәр өнәмли һадисәјә гаршы бу реаксија варса. Кимсә јатмајыбса, кимсә ојагдырса, онун бајрамы мүбарәк!!!
ВӘФА НАҒЫ
