Рәһман вә Рәһим Аллаһын ады илә.
Әҝәр Аллаһы таныјырсанса, әлбәт Кәрбәла вагеәсиндән дә хәбәрсиз дејилсән. Хәбәрсиз дејилсән ки, бир овуҹ залым Аллаһ бәндәләринин пајына саһиб чыхмагла кифајәтләнмәјиб онларын динини, иффәт вә намусуну ајаг алтына алмагдадыр.
Тарих боју белә олуб. Фиронлар һаггында ким ешитмәјиб ки! Азәрбајҹан да истисна дејил. Ады мүстәгил олан бу мәмләкәтдә халгын бүтүн сәрвәтинә саһиб чыхыб ону диләнчи вәзијјәтинә салмыш режим бунунла кифајәтләнмәјиб, Аллаһын дининә балта чалмаға гәрар вериб.
Азәрбајҹан Республикасында Ислам, исламчы, дини дәјәрләр гаршы дүнјада мисли ҝөрүнмәмиш репрессија, шәрләмә кампанијасы ҝүнбәҝүн сүрәтләнмәкдәдир. Режимин азана гадаға илә башлајан, мәсҹидләрин сөкүлмәси вә һиҹаб гадағасы илә давам едән сәлиб јүрүшү нәһајәт парламентә чыхды.
Бакы Ағыр Ҹинајәтләр Мәһкәмәсиндә Азәрбајҹан Ислам Партијасынын сәдри Һаҹы Мөвсүм Сәмәдов, партијанын сәдр мүавини Вагиф Абдуллајев, Астара рајон тәшкилатынын сәдри Руфулла Ахундзадә, Фирдовси Мәммәдрзајев, Дәјанәт Сәмәдов, Зүлфүгар Микајылов вә Фәрамәз Аббасовун ҹинајәт иши үзрә мәһкәмә просеси әсил шоуну хатырладырды.
Октјабрын 5-дә, һакимијјәти зорла әлә кечирмәкдә вә террора һазырлыгда иттиһам олунан Ислам Партијасынын сәдри Мөвсүм Сәмәдов вә даһа 6 нәфәр сон сөзлә чыхыш едиб. М.Сәмәдов билдириб ки, «мәһкәмә сифариш јеринә јетирир, шаһидләрдән исә алдатма вә тәзјиг јолу илә ифадәләр алыныб».
Мөвсүм Сәмәдов билдириб ки, мәһкәмәдән әввәл бураја ҝәлән инсанлар дөјүлүб, тәһгир олунублар. 3 аја јахындыр давам едән мәһкәмәдә 20-дән чох иҹлас кечирилиб. Бу иҹласларда биз һагг ҝөрмәдик. Һагсызлыгларла гаршылашдыг. Мәһәкәмә иҹласларында шаһидләрин јаланчылығы ифша олунду.
Ислам Партијасынын фәалијјәтиндән данышан партија лидери гејд етди ки, Азәрбајҹан Ислам Партијасы Азәрбајҹанда олан азсајлы мүстәгил сијаси партијалардандыр. Мән 1992-ҹи илдә партијаја ишә ҝәләндә Давид Сиднејин о вахтки сәдр Әликрам Әлијевә олан мәктубу әлимә кечди. Давид Сиднеј Әликрам Әлијеви евинә гонаг чағырмышды. Лакин Әликрам Әлијев бу дәвәтдән имтина етмишди. Сорушандакы нијә бу дәвәтдән имтина етдиниз, ҹавабында демишди ки, "Мән инсанлара зүлм едән дөвләтин ишчисинин евинә ҝетмәрәм".
Һеч бир партија шәһид вермәјиб. Бизим партијамыз шәһид вериб. Кәблаға Гулијев МТН-дә өлдүрүлдү…
Беләҹә, сифаришли мәһкәмә һөкмүнү верди. Һаким Елдар Исмајыловун сәдрлији илә кечирилән просесдә тәгсирләндирилән шәхсләрә һөкм охунду. Мәһкәмәнин һөкмү илә Һаҹы Мөвсүм Сәмәдов 12 ил, Вагиф Абдуллајев 11 ил, Руфулла Ахундзадә 11 ил 6 ај, Фирдовси Мәммәдрзајев 10 ил, Дәјанәт Сәмәдов 10 ил, Фәрамәз Аббасов 11 ил мүддәтинә азадлыгдан мәһрум едилибләр. Зүлфүгар Микајылов исә 5 ил сынаг мүддәти тәјин олунмагла, 11 ил мүддәтинә шәрти ҹәзаја мәһкум олунуб.
Иттиһам олунан шәхсләр бу ил јанварын 7-дә инзибати гајдада сахланылыблар. Сонрадан онлара Ҹинајәт Мәҹәлләсинин 28, 214.2.1-ҹи (габагҹадан әлбир олан бир груп шәхс, мүтәшәккил дәстә вә ја ҹинајәткар бирлик (ҹинајәткар тәшкилат) тәрәфиндән террора һазырлыг)вә 278-ҹи (һакимијјәти зорла әлә кечирмә вә ја ону зорла сахлама) маддәләри үзрә иттиһам елан олунуб…
Ислама гаршы мүһарибә даһа сонра Милли Мәҹлисә кечди. Милли Мәҹлис Ҹинајәт Мәҹәлләсинә дәјишикликләри мүзакирә едиб. Тәклиф олунан дәјишикликләр әсасән дини фәалијјәт, еләҹә дә дини китаб вә әшјаларын ганунсуз сатышы, идхалына гојулан ҹәримәләри даһа дә ағырлашдырыр, ејни заманда һәбс ҹәзасы нәзәрдә тутулур. Хариҹдә дини тәһсил аланлар исә тамамилә локаллашдырылыр.
Дәјишикликләрә ҝөрә, дини әдәбијјат вә әшјаларын јајылмасына сәрт ҹәзалар мүәјјән олунур. ҸМ-ин 167-2.1-ҹи маддәсинә әсасән мүвафиг разылыг олмадан дини тәјинатлы әдәбијјаты, әшјалары вә дини мәзмунлу башга мәлумат материалларыны истеһсал етмә, сатыш вә јајмаг мәгсәдилә идхал етмә, сатма вә јајма 5000 манатдан 7000 манатадәк ҹәримә вә ја 2 иләдәк мүддәтиндә һәбслә ҹәзаландырылыр. 167-2.2 маддәјә әсасән ејни әмәлләр габагҹадан әлбир олан бир груп шәхс вә ја мүтәшәккил дәстә тәрәфиндән төрәдилдикдә, тәкрар төрәдилдикдә, вәзифәли шәхс тәрәфиндән вә гуллуг мөвгедән истифадә етмәклә төрәдилдикдә 7000 манатдан 9000 манатадәк ҹәримә вә ја 2 илдән 5 иләдәк һәбслә ҹәзаландырылыр.
Тәклиф олунан әлавәләр диндарлар тәрәфиндән етиразла гаршыланыб. Әксәријјәт буну өлкәдә дини фәалијјәти даһа чох нәзарәт алтына алмаг ҹәһди сајыр. Гејд едәк ки, Азәрбајҹан ганунвериҹилијиндә һөкумәтин разылашдырмадығы дини әдәбијјаты јајмаг, сатмаг вә ја өлкәјә ҝәтирмәк гадағандыр. Илаһијјатчылар јени дәјишиклији абсурд аддым сајыр. Гануна јени дәјишикликдә ҹәзалар чох сәртдир. Бир шәхс Гуран ајәси тәсвир олунмуш бир табло - дини әшјадыр дејә, јахуд Гурани-Кәрим вә ја Инҹил - дини әдәбијјатдыр дејә, сатаҹагса, ону 2 ил һәбс дә ҝөзләјә биләр. Ганунда динә белә агрессив мүнасибәт һеч вахт мүшаһидә олунмајыб.
Бакынын танынмыш илаһијјатчыларындан бири дејир ки, верҝиләрдән јајынан, дөвләт малыны талан едәнләрә гаршы белә 5-9 мин манатлыг ҹәримәләр тәтбиг едилмәдији тәгдирдә тәсбеһ сатаны бу шәкилдә ҹәзаландырмаға ад вермәк мүмкүн дејил: “Бири ҹанамаз, Кәбә шәкли, јахуд гибләни ҝөстәрән компас, хач сатмаға ҝөрә бу гәдәр сәрт ҹәзаларла үзләшәҹәк, амма диҝәри мәнәвијјатсызлығы тәблиғ едән мәһсуллары сәрбәст сатаҹаг. Бири дини мәзмунлу филми сатмагда әнҝәлләрлә үзләшәҹәк, диҝәри әхлагсызлығы тәблиғ едән филмләри раһатҹа јајаҹаг. Буну неҹә изаһ едәк? Гуран сатышы, јахуд чапына ҝөрә дә 5-7 мин манат ҹәримә олар? Әлбәттә, ганунвериҹилик бу мәсәләләри тәнзим етмәлидир, амма бу инсанларын дини һагларынын белә сәрт шәкилдә мәһдудлашдырылмасы һесабына олмамалыдыр. Ганун там мәнасы илә вәтәндашларымызын дини етигад азадлығыны тәмин етмәлидир”.
Илаһијјатчы-алимин фикринҹә, конститусијамыз дини етигад азадлығыны таныјыр вә бүтүн ганунлар, онлара едилән дүзәлишләр онун тәләбләринә ҹаваб вермәлидир: “Конститусијамыз дини јајмаг һүгугуну таныдығы вә дәстәкләдији һалда башга бир ганунун буна ҝөрә 5 иләдәк һәбс, јахуд 5-9 мин манат ҹәримә тәтбиг етмәси нә дәрәҹәдә дүзҝүндүр? Кон
