Әһли Бејт -АБНА- хәбәр аҝентлијинин вердији хәбәрә әсасән: “Бирлик.аз” сајтынын баш редактору, шәргшүнас Вүсал Һәтәмов Дини Гурумларла Иш үзрә Дөвләт Комитәсинин сәдри Һидајәт Оруҹовун нојабрын 4-дә сәсләндирдији бәјаната мүнасибәт ачыглајыб. Һидајәт Оруҹов түркијәли дөвләт гуллугчулары илә ҝөрүшүндә Азәрбајҹанда дини етигад азадлығынын позулмадығыны, диндарлара һеч бир тәзјиг едилмәдијини вурғулајыб.
Вүсал Һәтәмов дејиб: “Факт ҝөз габағындадыр. Һидајәт Оруҹов анд ичсә дә, реаллыға көлҝә сала билмәз. Өлкәдә ән чох тәзјиг олунан күтлә дини гајда-ганунлара даһа ҹидди јанашан инсанлардыр. Әҝәр орта мәктәбләрдә униформа ады илә гызларын јајлыглары ачылырса, - һалбуки јајлыг әсас ҝејим елементи һесаб олунмур, буна галса, ҝәрәк мүнасибәт ајаггабылара да тәтбиг олуна, - иш јерләриндә һиҹаблы ханымлара тәзјиг олунурса вә јахуд “һиҹаблыдыр” дејә өз башларына проблем ачмамаг үчүн һиҹаблы ханымлары ишә ҝөтүрмүрләрсә, һансы дини азадлыгдан данышмаг олар? Ким дөвләт ишинә дүзәлмәк истәсә, - ҝүҹ структурларында вәзијјәт даһа ағырдыр, - ҝәрәк намаз гылдығыны ҝизләтсин.
Һидајәт мүәллимн түркијәли гонаглара дини бөлмәмәләри үчүн вердији төвсијәјә ҝәлинҹә, мәнҹә, Азәрбајҹанда дини бөлән дә елә онун идарәси вә бу кими сәлаһијјәтли шәхсләрдир. Тәсәввүр едирсинизми, Иран-Азәрбајҹан мүнасибәтиндә сојуглуг һисс олунан кими диндарларын бир гисми, - әсасән шиәләр, - Түркијә-Азәрбајҹан мүнасибәтиндә сојуглуг һисс олунан кими диҝәр гисми - әсасән нурчу вә тәсәввүфчүләр - сыхышдырылыр. Нијә? Нијә динә даһа ҹидди јанашан инсанлар һакимијјәтин гејри-конструктив хариҹи сијасәтинин гурбаны олмалыдыр?
Һеч бир мүсәлман гоншу дөвләтлә мүнасибәтимиз һансыса Гәрб өлкәсиндән јахшы дејил. Сијасәт сабаһ дәјишәндир, амма милли-мәнәви дәјәрләрә һөрмәт бизим кимлијимизин әсасы вә гарантыдыр. Динә бу ҹүр јад мүнасибәт вәтәндашларымыза, милли мәнсубијјәтмизә, конститусијамыза ән јахшы һалда лагејдликдир вә бунун үчүн дә илк нөвбәдә ҹавабеһлик дашыјан гурум Дини Гурумларла Иш үзрә Дөвләт Комитәсидыр”.
Диггәт: Хәбәрдән истифадә етдикдә мәнбәјә истинад лазымдыр
