Әһли Бејт -АБНА- хәбәр аҝентлијинин вердији хәбәрә әсасән: Азадхебер.аз сајты Пиа.аз сајтынын Һиҹаб гадағасына ҝөрә һәбс олунан диндарларын һејсијјатына тохунараг вә үмумијјәтлә намуслу мүсәлманларын һејсијјатларына тохунараг һәбс олунан руһаниләрә Иран дамғасыны вурмағы вә бу просесә Талыш милләтинидә гатмағыны сизә тәгдим едирик.
“Биз вилајәт ушагларыјыг”, “Мүгавимәт алнымыза јазылыб” кими шүарларла Азәрбајҹанда өз варлыгларыны исбат етмәк истәјән Иран диндар картындан истифадә едәрәк, бир нәтиҹә әлдә едә билмәди. Нәтиҹәдә иранјөнүмлү диндарларын әксәр лидерләри һәбс олунду, нечә илдән бәру гурулан систем дә чөкдү.
Һазырда исә Иран ҹидди-ҹәһдлә талышлар үзәриндә иш апарылыр. Талышлара гаршы дискирминасија сијасәти апарылмасына даир ујдурма хәбәрләр ҝүндәмә ҝәтириләрәк, Бакыда ҝерчәкләшдирилә билмәдикләри “үсјан” ссенарисини ҹәнуб зонасында реаллашдырмаг истәјирләр.
Бөлҝәдән верилән хәбәрә ҝөрә, вәрәгәләр пајланараг, ҹәнубдакы талыш әһалини Азәрбајҹана гаршы үсјана тәһрик едилир. Иранын Масаллы вә Ләнкәрандакы емиссарларынын сүнни-шиә мәсәләсини дә габартдығы билдирилир. Хәбәрдә билдирилир ки, әһали арасында ажиотаж јарадараг, халгы јерли рәһбәрлијә табе олмамаг чағырышлары едилир. Нахчыван кими ҹәнубун да Мухтар Республика олмасы фикри јајылыр.
Бунунла паралел олараг, Москвада јашајан вә бизнеслә мәшғул олан талышлар арасында шаијәләр јајараг, Азәрбајҹанда талышларын сыхышдырылмасыны иддиа едирләр. Русијадакы талышларын ачдығы “талыш” сајты да бу мәсәләдә Иранын “дәјирманына су төкүр”: "20 илдир ки, Азәрбајҹан Республикасында олан режим "талышдан сепаратчы дүзәлтмәк" әтрафында дөнмәдән тәблиғат апарыр, талышын бир милләт олараг өзүнү танымасыны, өз тарихинә, дилинә, мәдәнијјәтинә јијә дурмаг истәјини "сепаратчылыг" кими тәгдим едир."
Талыш сајты әлавә едиб : "МТН"-нин бөјүк бир бөлүмү бу истигмәтдә ҝеҹә-ҝүндүз ағласығмаз шејләр ујдурур. Халгымызын зијалылары барәдә информасија топланылыр, онлар нәзарәтә ҝөтүрүлүр, барәләриндә хусуси досјеләр һазырланыр, хәфијјә системи тәрәфиндән изләнилир, телефонлары динләнилир, вәтәндән дидәрҝин салыныр, һәбсханалара салынараг олмазын ишҝәнҹәләрә мәруз гојулур, өлдүрүлүр, һәмтанышлар бир-бириләри барәдә данос вермәјә, бир-бириләринин үзүнә дурмаға мәҹбур едилир..., бир сөзлә рәсми Бакы кимсәнин өзүнү талыш һисс етмәк истәји илә тотал мүһарибә апарыр."
Бу ҹүмәләри һәјәҹансыз охумаг мүмкүн дејил. Азәрбајҹанда сијаси проблемләр олса да, милли зәминдә кимсәјә гаршы тәзјигләрин олмасы исә ағ јаландан башга бир шеј дејил. Кимсәнин милли мәнсубијјәтинә ҝөрә ашағыланмасы фактына јалныз Иранда раст ҝәлинир. 30 милјон Азәрбајҹан түркүнүн һеч бир һүгугу јохдур. Ирандан фәргли олараг Азәрбајҹанда кимсәјә миллијјәтинә ҝөрә тәзјиг олунмур. Иран исә “адымы сәнә гојум” дејәрәк, исламчыларла әлдә едә билмәдијини өлкәдән гачан талыш сепаратчылары васитәси илә һәјата кечирмәк истәјир.
П.С. Әввәла, әзиз һәмкар һәмвәтәнлиләримиз олан ПИА.АЗ сајтынын әмәкдашларыны вә јахуд бу мәгаләни јазан инсанлары Исламла бағлы мәсәләләрдә Гәрәзсиз олмаға вә мәдәнијјәтләрини горумаға дәвәт едирик. Әҝәр Иранла вә Талыш милләти илә проблеминиз варса әзиз ПИА.АЗ сајтынын јазарлары, бу өз ишиниздир. Һәр бир инсанын өзүнәмәхсус дүнја ҝөрүшү вә тәфәккүрү вар. Амма Исламла бағлы олан шәхси фикирләринизи кәнара гојараг, Һиҹаб вә Мәсҹид мәсәләләринә ҝөрә һәбс олунан Исламчылар барәсиндә фикир сөјләмәкдә сизә тәләсмәмәји вә виҹданла һәр шејә гијмәт вермәји төвсијә едирик. Һеч кәс сизә ихтијар вермәјиб Һәбс олунан руһаниләрә Иран дамғасы вурасыныз. Виҹданы олан мүсәлман әҝәр о иддиа едир ки, мүсәлмандырса бир дәфә ҝедиб Һиҹаб мәһбусларынын мәһкәмә просесиндә иштирак едәр вә онларын ким олдугларыны неҹә инсан олдугларыны вә һәгигәтән нә истәдикләрини арашдырар. Белә олмајан һалда медијада ағлыныза ҝәләни јазмаг ән азындан мәдәнијјәтсизлик вә етикадан узагдыр. Ҝәләҹәкдә ПИА.АЗ сајтынын коллективи бу јерли ирадымызы нәзәрә алараг белә мәгаләләрдә мәдәнијјәтә вә виҹдана диггәт јетирмәји унутмаз.
Диггәт: Хәбәрдән истифадә етдикдә мәнбәјә истинад лазымдыр
