Әһли Бејт -АБНА- хәбәр аҝентлијинин вердији хәбәрә әсасән: Газахыстанын "Стан.тв" мүхалиф телеканалынын әмәкдашыары 26 Октјабрда чәкилиш апаран заман 4 нәфәр тәрәфиндән ҹиддди дөјүләрәк ағыр бәдән хәсарәтләри алыблар. Дөјүлән оператор Асан Амилов вә журналист апарыҹы Оркен Бисенов олуб. Операторун Алма-Ата шәһәриндә пресс-конфранс заманы сөјләдикләрини сизә чатдырырыг.
"Редаксијаја мәлумат дахил олду ки, Актау шәһәриндә нефт ширкәтиндә нефтчиләр етираз аксијасы кечирирләр. Дәрһал камераны ҝөтүрүб Оркенлә ораја јолландыг. Сосиал вәзијјәт орада чох аҹынаҹаглы бир дурумда иди. Етиразлар ҹидди характер дашыјырды. Биз чәкилиш апардыг сонра ҝери дөндүк. Бундан сонра һисс етдик ки, бизи изләјирләр. Бу изләмә 4 ҝүн олду. Бир евдә чәкилиш апаран заман блокун јанында ағ Тојота Прадо 708 дөвләт нишанлы машын бизим јанымызда сахлады. Ичәрисиндән 4 нәфәр әлләриндә бејзбол тахтасы дүшәрәк бизә тәрәф ҝәлди. Һеч бир шеј демәдән сәсләрини белә чыхартмадан бизи дөјмәјә башладылар. Сонда бири әлиндәки травматик тапанча илә атәш ачды. Ҝүллә мәним ајағыма дәјди. Иш материаллары илә долу олан ноутбуку ҝөтүрәрәк машына миниб ҝетдиләр. Бизи хәстәханаја чатдыранда һәкимләрдә бизимлә јахшы давранмадылар. Мәним ајаг әзәләм ҝүллә јарасындан дағылыб. Онлар садәҹә тикиш вурдулар. Инди сол әлимдә ҝөјәриб. Әлими һисс етмирәм. Ҝәрәк тәзәдән һәкимә ҝедим. Мән әминәм ки, бизә гаршы олан бу вәһшилик ишимизә ҝөрәдир. Биз бир чох әһәмијјәтли јерләрдә чәкилишләр апарараг халга һәгигәтләри чатдырмышыг. Вә мәхсус нефтчиләрин кечиртдикләри бу аксијада хејли сосиал әдаләтсизликләр мөвҹуд иди. Бизи елә ән чох бу һадисәјә ҝөрә ҹәзаландырмаг истәјибләр."
Мәнбәнин билдирдијинә әсасән "Стан.тв" әмәкдашлары бир чох чәкилишләр апарыб өлкәдәки мөвҹуд дурум барәдә хәбәрләр верибләр. Вә онлара намәлум шәхсләр тәрәфиндән бир нечә дәфә хәбәрдарлыг едилиб. Икинҹи журналист чох ағыр дурумда олдуғундан мүсаһибә верә билмәјиб.
Диггәт: Хәбәрдән истифадә етдикдә мәнбәјә истинад лазымдыр
