Әһли Бејт -АБНА- хәбәр аҝентлијинин вердији хәбәрә әсасән: Октјабрын 19-да журналистләрә ачыглама верән Иран Хариҹи Ишләр Назирлијинин сөзчүсү Рамин Меһманпәрәст Түркијәдә НАТО-ја мәхсус һава һүҹумундан мүдафиә системинин јерләшдирилмәсинин Теһранла разылашдырылмасыны тәкзиб едиб.
Түркијә НАТО-нун һава һүҹумундан мүдафиә системинин бу өлкәдә јерләшдирилмәсинә өтән ај разылыг вериб. Бу системин гурашдырылмасынын Теһранла разылашдырылмасы һагда хәбәри Түркијәнин “Заман” гәзети хариҹи ишләр назири Әһмәд Давудоғлуна истинадла јајыб.
“Медиа форум” сајтынын мәлуматына ҝөрә, Рамин Меһманпәрәст Иранла Түркијә арасында бу һагда һәр һансы разылыг әлдә олунмадығыны дејиб: “Бизим бу һагда мөвгејимиз ајдын вә шәффафдыр. Өз мөвгејимизи түрк гардашларымыза билдирмишик вә мәсәләни арашдыраҹағыг”.
Диггәт: Хәбәрдән истифадә етдикдә мәнбәјә истинад лазымдыр
