Әһли Бејт -АБНА- хәбәр аҝентлијинин вердији хәбәрә әсасән: Мәһбус Аиләләри Комитәсинин октјабрын 14-дә Мүсават Партијасынын гәрарҝаһында башлатдығы аҹлыг аксијасы давам едир. Иҹтимаи Палатанын 2 апрел аксијасы заманы һәбс олунан АХҸП үзвү Елнур Мәҹидлинин атасы, Мәһбус Аиләләри Комитәсинин сәдри Арзуман Мәҹидли октјабрын 17-дә дејиб ки, һазырда 6 нәфәр аксијасы кечирир: “Мән вә Мүсават Партијасынын үзвү Рүфәт Һаҹыбәјлинин атасы Ибраһим Һаҹыбәјли октјабрын 14-дән аҹлыг едирик. АХҸП фәалы Дәјанәт Бабајев вә Мүсават Партијасынын үзвү Новруз Оруҹов октјабрын 15-дә аксијаја гошулублар. Октјабрын 17-дә исә АХҸП сәдринин мүавини, Иҹтимаи Палатанын Гадынлар Шурасынын сәдри Ҝөзәл Бајрамлы вә АХҸП Али Мәҹлисинин сәдр мүавини Ирадә Әлијева аҹлыг башлајыблар”.
Арзуман Мәҹидлинин сөзләринә ҝөрә, аксијаја гошулмаг истәјәнләрин сајы чохдур, октјабрын 18-дә АХҸП Ҝәнҹләр Комитәсинин сәдри Әбүлфәз Гурбанлы вә бир неҹә ҝәнҹ аҹлыға башлајаҹаг.
Аксијачы гејд едиб ки, аҹлыг едәнләрин сәһһәтиндә проблемләр јараныб: “Мәним тәзјигим јүксәкдир. Дәјанәт Бабајевин дә сәһһәтиндә проблемләр вар. Һәкимләр сағ олсунлар, бизи даими нәзарәтдә сахлајырлар. Һәр ҝүн ҝәлиб јохлајыр вә тибби јардым ҝөстәрирләр. Мәнә бир неҹә ијнә вурублар”.
Хариҹи өлкәләрин, бејнәлхалг тәшкилатларын Бакыдакы нүмајәндәликләри вә Азәрбајҹан һакимијјәти аҹлыг аксијасына һеч бир реаксија вермәјиб: “Нә рәсми, нә дә гејри-рәсми реаксија вар. Буна бахмајараг биз сијаси мәһбуслар азадлыға бурахыланадәк аҹлыг аксијасыны давам етдирәҹәјик”.
Мүсават Партијасы исә һәбсдә олан мәһбуслары тәлтиф едиб. Арзуман Мәҹидли дејиб ки, Мүсават Партијасынын башганы Иса Гәмбәр вә партија рәһбәрлији октјабрын 17-дә аҹыг аксијасы кечирәнләрә баш чәкиб: “Мүсават Партијасы һәбсдә олан мәһбуслары тәлтиф едиб. Медаллар мәһбусларын аилә үзвләринә тәгдим олунду. Онлар демократија, азадлыг уғурунда апардыглары мүбаризәјә ҝөрә Мүсават Партијасынын јубилеј медалы илә тәлтиф олунублар”.
Һүгуг мүдафиәчиләри Новелла Ҹәфәроғлу вә Сәидә Гоҹаманлы да аҹлыг аксијасы кечирәнләрә баш чәкибләр.
Мәһбус Аиләләри Комитәсинин 18 үзвү вар. Комитәјә 2 апрел митингиндә тутуланларла јанашы Руслан Бәширлинин, Ҹаббар Саваланлынын, Бәхтијар Һаҹыјевин, Видади Исҝәндәрлинин аиләләри дахилдир. Апрелин 2-дә мүхалифәтин Бакыда кечирдији аксијаја ҝөрә бири шәрти һәбс ҹәзасы алмагла 14 аксијачы азадлыгдан мәһруметмәјә мәһкум олунуб.
Руслан Бәширли 2005-ҹи илдән һәбсдәдир, Ҹаббар Саваланлы, Бәхтијар Һаҹыјев 2011-ҹи илин мајында, Видади Исҝәндәрли апрел ајында һәбс олунараг азадлыгдан мәһруметмәјә мәһкум едилиб.
Диггәт: Хәбәрдән истифадә етдикдә мәнбәјә истинад лазымдыр
