Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Республикасында давам едән антиислам вә репреси јөнлү сиасәтләрин давамына етираз олараг иҹтимаијјәтин вә бүтүн инасан һглары тәшкилатларынын нараһатчылығы ачыг ашкар һисс олунмагдадыр. Белә ки, “Сағлам Мүһит вә Сағлам Ҝәләҹәк Иҹтимаи Бирлији” дә өз наразылығыны гәтијәтлә билдирәрәк бәјанат гәбул етмишләр.
Бәјанатын мәтнини сајтымызын зијарәтчиләринә тәгдим едирик:
Инсан һагларынын вә демократик принсипләрин тәмин олунмасы үчүн үзәринә өһдәлик ҝөтүрмүш Азәрбајҹанда сон дөврләрдә инсан һүгугларынын позулмасы истигамәтиндә баш верән һадисәләр давам едир. Буна мисал олараг азан гадағасы, мәсҹидләрин сөкүлмәси, диндарларын һеч бир сәбәб олмадан ганунсуз һәбси, мәктәбләрдә һиҹабын гадағасы вә сон бир нечә ҝүн әрзиндә шәрләнәрәк һәбс олунан шәхсләр барәсиндә Ағыр Ҹинајәтләрә Даир Ишләр Үзрә мәһкәмәнин вердији һөкүмү мисал ҝөстәрмәк олар.
Билдијимиз кими, бүтүн тарихи дөврләрдә баш өртүјү халгымызын милли-мәнәви дәјәрләринин ајрылмаз һиссәси олуб. Тарихи мәнбәләрдә белә, Азәрбајҹаны тәмсил едән даһи ханымларымыз һәр бир һалда баш өрпәкләрини горумушлар. Сара Хатун, Хуршидбану Натаван вә с. кими ханымлар бунун бариз нүмунәсидир.
Ону да гејд едәк ки, Азәрбајҹан халгынын 90% - индән чоху Ислам дининә мәнсубдур вә һиҹаб Ислам дининдә бујрулмуш ваҹиб әмрләрдән биридир. Бундан әлавә, Азәрбајҹан Республикасынын Конститусијасында тәсбит олунмуш ганунларда һәр кәсин дин вә виҹдан азадлығы илә бирҝә тәһсил алмаг һүгугу вардыр. Бүтүн бу әсаслары нәзәрә алараг, тәһсил назири тәрәфиндән орта мәктәбләрдә баш өртүјүнүн гадаған олунмасы там әсассыз олмагла јанашы, бирбаша конститусијанын ганунларына да зиддир.
Ән тәәссүфедиҹи һал будур ки, бу мәсәләләрә етиразыны билдирән инанҹлы инсанлара тәзјигләр ҝөстәрилир. Сөз азадлығындан истифадә едәрәк мөвгејини билдирән конкрет инсанлара гаршы мүхтәлиф бәһанәләрлә ҹинајәт ишләринин ачылмасы исә даһа ҝүлүнҹ вәзијјәт јарадыр. Демократик ҹәмијјәтдә вә сөз азадлығынын олдуғу бир өлкәдә азад фикирли инсанлара олунан гејри-гануни тәзјигләр, декабр ајынын әввәлләриндә Тәһсил Назирлијинин гаршысында баш вермиш һадисәләрдә дә өз әксини тапмышдыр. 2009-ҹу илин Ислам Мәдәнијјәт Пајтахты олан Бакы шәһәриндә бу һадисәләрин баш вермәси чох тәәҹҹүблүдүр.
Иҹтимаи Бирлик олараг низамнамәмиздә гејд олунмуш мәгсәд вә вәзифәләримиздән бири дә, демократик ислаһатларын тәблиғиндә иштирак етмәкдир. Одур ки, мүәјјән гәрәзли мәмурлар тәрәфиндән динҹ инсанлара гаршы тәтбиг едилән зоракылыглара вә ганунсуз һәбсләрә гаршы кәскин етиразымызы билдиририк. Бәјан едирик ки, бүтүн Азәрбајҹан халгы вә Иҹтимаи Бирликләр Республикамызын ганунларыны әсас тутараг, бу ганунлары позанлара гаршы биҝанә галмајыб, мүнасибәт билдирмәлидир вә гыса бир мүддәт әрзиндә ганунсуз олараг һәбс олунан шәхсләрин һамысы азадлыға бурахылмалыдырлар.
Диггәт: Хәбәрдән истифадә етдикдә мәнбәјә истинад лазымдыр
