Әһли Бејт -АБНА- хәбәр аҝентлијинин вердији хәбәрә әсасән: Бу ҝүнләрдә Азадхебер.аз сајтынын имаил почт гутусуна мараглы бир мәктуб дахил олдуб. Өз анонимлијини горујан мәктубда белә бир мөвзуја тохунулуб. Әзиз охуҹуларымыза мәктубу олдуғу кими тәгдим едирик:
Аллаһын ады илә.
Мән хариҹдә дини тәһсил алан бир тәләбәјәм. Тәһсилими давам етдирмәк үчүн јенидән гајытмаг фикриндәјәм.Вәтәндә галдығым мүддәтдә мән сәјјар тәблиғ илә мәшгул олурам. Аллаһын вә Гуранын инсанлара бәхш етдији инанҹлы јолу онлара чатдырмагдан өтрү әлимдән ҝәләни әсирҝәмирәм. Чүнки дин тәләбәсинин вәзифәси ејни илә пејғәмбәрләрин вәзифәси кимидир. Лакин буҝүн ки, глобал вәзијјәти һәссас шәкилдә мүшаһидә едән МТН мәнимлә баһәм бир чох тәләбәни "Хүтбә" охумагдан мәһрум етмишләр. Сәбәбин нә олдуғуну сорушдугда исә садәҹә олараг "Олмаз" демишләр.
Мән анлаја билмирәм биз 1937-ҹи или јенидән јашајырыг, ја 2011-ҹи демократија илә долу олан илә гуҹаг ачырыг!
1 ај әрзиндә мәни 3 дәфә МТН-ә чағырыблар. Бундан һәм аиләм һәмдә гоһумларым чох нараһатдыр. Мәнә дејирләр ки, хариҹдә тәһсил алдығын үчүн һәр һансыса бир мәсҹиддә "Хүтбә" сөјләјә билмәзсән. Мән онлара Ислам Университетинин дипломунуда тәгдим етмишәм. Буна бахмајараг јенәдә дедиләр ки, "Олмаз". Ахы мән инди нејләјим.?! 6 ил әзијјәт чәкиб елм өјрәниб, халгыма хидмәт етмәји дүшүнмүшәм. Амма бунлар Аллаһа ҝедән јолун гапысына гыфыл вурмаға чалышырлар. Мәнә тәәҹҹүблү ҝәлән мәсәләнин бир һиссәсидә вар. Ҝөрәсән Оксфорд вәја Кембриҹ јахуд диҝәр хариҹи өлкәләрдә тәһсил алан тәләбәләр гајытдыгдан сонра онлардамы бизим кими ев дустаги олаҹаглар. Јохса бу анҹаг дини тәһсил аланлара шамилдир. Тәәҹҹүблүдүр?!
Вәссәламу алејкум вә рәһмәтуллаһи вә бәрәкатуһ!
Диггәт: Хәбәрдән истифадә етдикдә мәнбәјә истинад лазымдыр
