“Аллаһ залымлар дәстәсини һагг јола јөнәлтмәз! Онларын ҹәзасы, һәгигәтән, Аллаһын, мәләкләрин вә бүтүн инсанларын ләнәтинә дүчар олмагдыр! Онлар бу ләнәт ичәрисиндә әбәди олараг галаҹаглар. Әзаблары әскилмәдији кими, онлара (мәрһәмәт нәзәри илә дә) бахылмајаҹагдыр!” (Али Имран сурәси, 86-88)
Мүбарәк Ҹүмә ҝүнү Аллаһ-Тааланын һәм дүнја, һәм дә ахирәт аләминдә минләрлә ҝүнаһкар инсанлары Өз мәрһәмәт вә рәһми илә бағышладығы ҝүндүр. Амма Азәрбајҹанда Ҹүмә ҝүнү мүсәлман халгын һаггыны гәсб етмиш әлијевләр режиминин пак, мүбариз, гејрәтли инсанлара зүлмү илә јадда галды. Шәрләнәрәк һәбс олунмуш мөмин инсанлар “сифаришли мәһкәмә” васитәсилә, һеч бир дәлил олмадан, азадлыгдан үмуми 65 ил 6 ај мәһрум едилди. Једди мүбариз, пак вә гејрәтли дин хадими өмрүнүн бәрәкәтли 11-12 илини бармаглыглар архасында кечирмәлидир.
Әлијевләр режими халгымызын дүшмәнләринин гәрбдән ҝәлән хүсуси сифаришләрини бу мәһкәмәдә ҹан-башла иҹра етди. Сүбут олду ки, өлкәдә һеч бир ганун ишләмир, һеч бир вәтәндаш һүгугунун горунмасына гәти зәманәт јохдур вә һакимијјәт халга хәјанәт едәрәк халгын ирадәси вә милли мәнафе әлејһинә ишләјир.
Бүтүн бунлары нәзәр алмагла, Һиҹаб вә Һиҹаб Гадағасы Мәһбусларыны Мүдафиә Комитәси өлкәдә ҝедән бу зүлм вә ганунсузлуглара гәти шәкилдә етираз едир, пак вә мүбариз алим вә мөминләрин һүгугларын мүдафиә етмәк үчүн ҝәләҹәк планларыны ашағыдакы шәкилдә елан едир:
1.Өлкәнин мүһарибә шәраитиндә олмасына бахмајараг, дөвләт мәмурлары тәрәфиндән мүхтәлиф шәр вә бөһтанларла сифаришли шәкилдә исламчыларын вә ҝәнҹ партија нүмајәндәләринин ганунсуз һәбс олунмасы ҝөстәрир ки, өлкә башчысы вә мәмур ордусу гәрбдән вә халгымызын дүшмәнләриндән сифариш алмагла, халга хәјанәт едир. Һаким партија вә үмумијјәтлә әлијевләр режиминин артыг бу халга рәһбәрлик етмәјә һеч бир сәлаһијјәти јохдур;
2. Шәргдә башламыш Ислам ојаныш һәрәкаты артыг бизим дә өлкәмизә дахил олмушдур. Бу ҝүн мүсәлман халгымыза мәлум олду ки, өлкәнин пак, ҝүнаһсыз вә шүҹаәтли оғулларыны шәрләмәклә зиндана атан әлијевләр режиминин јүз ил бундан сонра да ишғал олан торпаглары гајтармаг нијјәти јохдур вә артыг халгын милли мүстәгиллији там тәһлүкәдәдир. Бу режимин Гарабағ торпагларыны дүшмәнләрә тәслим едәҹәји шүбһә доғурмур. Она ҝөрә дә бүтүн партијалар вә исламчылар бирләшәрәк халгын милли тәһлүкәсизлијини вә мәнафејини нәзәрә алмалы, әлијевләр һакимијјәтинин истефаја ҝетмәсини тәләб етмәлидир. Халгымызын шәрәф вә ләјагәтини, намусуну, мүстәгиллијини вә торпагларымызы белә бир зүлм үзәриндә гурулмуш режимдән азад етмәк ваҹибдир.
3. Һиҹаб вә Һиҹаб Гадағасы Мәһбусларыны Мүдафиә Комитәси бүтүн дүнјаны бу һагсызлыг, халгын башына ҝәтирилән мүсибәтләрдән хәбәрдар етмәк, шәр вә бөһтанларын гаршысыны алмаг, мәһбус вәтәндашларын, хүсусилә, исламчыларын һүгүгларыны бәрпа етмәк үчүн ҹидди фәалијјәтә башлајыр. Дүнјанын һәр јериндән Азәрбајҹана һүгуг мүдаифәчиләринин зијарәти тәшкил олунаҹаг вә бу һәрәкат вәтәндашларымызын позулмуш һагларыны там шәкилдә бәрпасына гәдәр давам етдириләҹәкдир;
4. Әлијевләр режими исламчыларын сусмасындан вә халгын сәбриндән истифадә едәрәк 20 илә јахын мүддәтдә һәм торпаглары ишғалда сахламыш, һәм һакимијјәти гәсб етмиш, һәм дә бу халга зүлм етмәклә мәшғул олмушлар. Бу ҝүнкү һәбсләр, рүшвәтхорлуг, сифаришли мәһкәмәләр, әһалинин сијаси-игтисади вәзијјәти там шәкилдә буну тәсдигләјир. Она ҝөрә дә Һиҹаб вә Һиҹаб Гадағасы Мәһбусларыны Мүдафиә Комитәси бу режимин истефаја ҝетмәсини, өлкәдә бүтүн саһәләрдә ислаһатлар апарылмасыны, шәхси һесаблардакы милли сәрвәтләринин хариҹи банклардан там шәкилдә халга гајтарылмасыны, коалисион һөкумәтдә бүтүн партија нүмајәндәләринин иштиракынын тәминини тәләб етмәклә бу истигамәтдә етираз аксијалары вә митингләри дәстәкләјир!
Һәбс олунмуш исламчылар, диндарлар, һагг ашигләринә дә бир сөзүмүз вар:
Әзиз гардашлар! Сиз галиб олдунуз! Сиз өз шүҹаәт вә иманынызла Аллаһ-Таалаја даһа да јахын олдунуз! Биз зинданларда вә мејданларда сон нәфәсимизә кими сизинләјик! Бүтүн халг зинданлара ҝөндәрилсә белә, ојанышын гаршысыны һеч кәс ала билмәз!
Артыг Аллаһ-Таала әлијевләр режиминин истефаја ҝетмәсини халгын ирадәси илә һәјата кечирәҹәк, Иншаллаһ!
Мүдафиә Комитәсинин мәтбуат хидмәти
07 октјаб 2011
