Әһли Бејт -АБНА- хәбәр аҝентлијинин вердији хәбәрә әсасән: Октјабрын 7-дә Бакы Ағыр Ҹинајәтләр Мәһкәмәсиндә Азәрбајҹан Ислам Партијасынын лидери Мөвсүм Сәмәдов вә даһа бир нечә исламчыја һөкм чыхарылаҹаг. Дөвләт иттиһамчысы тәгсирләндириләнләрә 11-12 ил мүддәтинә азадлыгдан мәһруметмә ҹәзасы чыхарылмасыны тәклиф едиб, јалныз бир нәфәрә 5 ил сынаг мүддәти тәтбиг олунмагла 11 ил шәрти һәбс ҹәзасы истәјиб.
Азәрбајҹан Ислам Партијасы сәдринин биринҹи мүавини Ингилаб Әһәдли октјабрын 6-да “Медиа форум” сајтына ачыгламасында дејиб ки, мәһкәмә гәрары елан олунандан сонра партија функсионерләринин, еләҹә дә Исламчыларын Һүгугларыны Мүдафиә Комитәси үзвләринин мәтбуат конфрансы кечириләҹәк: “Мәтбуат үчүн ачыгламаларымызы саат 16-ја планлашдырмышыг. Һөкмүн охунмасы ҝеҹиксә, мәтбуат конфрансыны шәнбә ҝүнү кечирәҹәјик”.
И.Әһәдлинин сөзләринә ҝөрә, тәгсирләндирилән исламчыларын һөкмүнүн елан едилмәсини гәсдән ҹүмә ҝүнү саат 14-ә сахлајыблар: “Ҹүмә мүсәлманларын мүгәддәс ҝүнүдүр. Мүсәлманлар үчүн ҹүмә намазы гылынмасы ваҹибдир. Һөкмүн еланыны она ҝөрә һәмин вахта салыблар ки, тәгсирләндирилән исламчылары мүдафиә едән диндарлар мәһкәмәјә ҝәлә билмәсинләр”.
Исламчыларын мәһкәмә истинтагынын 4 ај чәкдијини дејән И.Әһәдли иттиһамларын сүбута јетирилмәдијини, гондарма шаһид ифадәләринин пуч олдуғунун бир даһа үзә чыхдығыны билдириб: “Тәсәввүр един ки, шаһид мәһкәмәјә ҝәлиб, ондан әлејһинә ифадә вердији Фирдовси Мәммәдрзајеви ҝөстәрмәји хаһиш едибләр, о да тәгсирләндирилән адамларын арасында Мөвсүм Сәмәдову ҝөстәриб.
Һардаса дөвләт иттиһамчысыны баша дүшмәк олур. О, иҹра һакимијјәтини тәмсил едир вә тәгсирләндирилән шәхсләрә гаршы ирәли сүрүлән иттиһамлары сүбут етмәлидир. Амма биз мәһкәмәнин әдаләтли олмамасыны баша дүшә билмирик. Иттиһамчыја нисбәтдә һаким әдаләтли олмалыдыр. 6-7 ај прокурорлугда истинтаг ҝетди, иш мәһкәмәјә вериләндә әдаләтин бәрпа олунаҹағыны ҝөзләдик. Артыг мәһкәмә истинтагынын ҝедишатындан белә нәтиҹәјә ҝәлмишик ки, октјабрын 7-дә һакимин чыхараҹағы һөкм әдаләтли олмајаҹаг”.
И.Әһәдли һесаб едир ки, Азәрбајҹан дөвләтинин рәһбәрләри һакимләрә өз һүгуг вә вәзифәләрини олдуғу кими иҹра етмәјә имкан версәјди, јәни онлара тәзјиг ҝөстәрмәсәјди, тәгсирләндирилән исламчылар бәраәт алараг азадлыға бурахыларды: “Амма бу һәбсләр сифаришлидир, она ҝөрә дә тәгсирләндирилән шәхсләрә әдаләтли һөкм чыхарылмасы, онларын азадлыға бурахылмасы мүмкүн олмајаҹаг”.
Партија сәдринин биринҹи мүавин ону да гејд едиб ки, һөкм охунандан сонра кечириләҹәк мәтбуат конфрансында партијанын бундан сонра атаҹағы аддымлар ачыгланаҹаг: “Биз һансы аддымлар атаҹағымызы, һансы мүбаризә јолларына әл атаҹағымызы дејәҹәјик. Ислам Партијасындан тутулан бу шәхсләрин, еләҹә дә диҝәр алимләрин, диндарларын һүгуглары уғрунда мүбаризәмизи давам етдирәҹәјик”.
И.Әһәдли Азәрбајҹан Ислам Партијасынын үзвләринин индијә гәдәр һеч вахт тәхрибата ҝетмәдијини вә бундан сонра да ҝетмәјәҹәјини дејиб: “Истәр јанвар ајында һәбсләр башлананда, истәр истинтаг заманы Азәрбајҹан Ислам Партијасы һеч вахт тәхрибата ҝетмәјиб. Бәзи адамлар истәјир ки, бизи тәхрибата чәкмәклә бу ҝүн адымыза гошулан террорчу иттиһамыны тәсдигләсинләр. Амма бу мүмкүн олмајаҹаг”.
Азәрбајҹан Ислам Партијасынын лидери вә диҝәрләри бу ил јанвар ајынын әввәлләриндә һәбс олунублар. Онларын барәсиндә ајры-ајры маддәләрлә ҹинајәт ишләри башланыб. Исламчылары мүдафиә едәнләрин фикринҹә, бу һәбсләр сијаси характерлидир вә әсасән јанварын 2-дә партијанын Баш Мәҹлисиндә Мөвсүм Сәмәдовун чыхышы илә бағлыдыр. Мөвсүм Сәмәдов 2011-ҹи ил јанварын 2-дә АИП Баш Мәҹлисинин иҹласында чыхыш едәрәк мәктәбләрдә һиҹаба гадаға гојулмасыны кәскин писләјиб вә һакимијјәтин үнванына иттиһамлар сәсләндириб. Мәһәммәд пејғәмбәрдән “динә тәрәф бәла ҝәлсә, ҹанынызы верин, дининизи гуртарын” дејә ситат ҝәтирән АИП лидери Азәрбајҹан халгыны “ајаға галхмаға вә залым режимә сон гојмаға” чағырыб.
Диггәт: Хәбәрдән истифадә етдикдә мәнбәјә истинад лазымдыр
