Әһли Бејт -АБНА- хәбәр аҝентлијинин вердији хәбәрә әсасән: “Wikileaks” Азәрбајҹан һакимијјәтинин чиркинликләри барәдә мәлуматлары ачыгламагда давам едир. Американын кечмиш сәфири Енн Дерсинин нөвбәти мәктубу Президент Администрасијасынын рәһбәринин дүшүнҹәләриндән бәһс едир.
Белә ки, 2008-ҹи ил апрелин 8-дә Рамиз Меһдијев бәзи шәртләр ирәли сүрүб ки, бу шәртләри јеринә јетирмәдән АБШ Милли Демократија Институту Азәрбајҹанда фәалијјәт ҝөстәрә билмәз. Әсасән о, тәләб едиб ки, МДИ һөкумәтјөнлү вә мүхалифәт партијалары илә бирҝә тренингләр кечирмәлидир ки, “бизим гәлбимиздә шүбһә галмасын”.
Сонра Меһдијев конкрет ирадлара кечиб вә Америка тәшкилатларыны мүхалифәтлә әлагәдә олараг өлкәдә сабитлији позмаг истәјән ГҺТ вә КИВ-ләри дәстәкләмәкдә иттиһам едиб. Конкрет кими нәзәрдә тутмасы илә бағлы суалын ҹавабында Меһдијев онун сөзләрини тәсдигләјән мәлуматлары тәгдим етмәји вәд едиб. О, һәмчинин билдириб ки, Азәрбајҹан һөкумәти јардым вә дәстәји анҹаг өз шәртләри илә гәбул едәҹәк.
Ејни заманда о вәд едиб ки, НДИ-нин фәалијјәти дајандырылмајаҹаг. Меһдијевлә сәфирин сөһбәти ики саат давам едиб вә демократијанын мүхтәлиф аспектләрини, инсан һүгугларыны әһатә едиб. Сөһбәтдә Әли Һәсәнов, Фуад Әләсҝәров, Шаһин Әлијев вә Елнур Асланов да иштирак едибләр. Дерси гејд едиб ки, АБШ конкрет шәхсләри вә ја партијалары дәстәкләмир. Дәстәк демократик просесләрә вә лајиһәләрә ҝөстәрилир.
О, медиа саһәсиндә негатив просесләрдән АБШ-ын нараһатлығыны билдириб. “Азадлыг” гәзетинин мүхбири Агил Хәлилин иши хүсусилә гејд олунуб. Меһдијев билдириб ки, Илһам Әлијев Агил Хәлилә һүҹум фактынын арашдырылмасы илә бағлы ҹидди ҝөстәриш вериб. О һәмчинин дејиб ки, бәзи дахили гүввәләр өлкәдә сабитлијин позулмасында вә Азәрбајҹанын имиҹинин писләшмәсиндә мараглыдыр. Сонра о билдириб ки, јерли ГҺТ-ләрин бәзи лајиһәләри “Азәрбајҹанын марагларына зиддир”. Белә ки, Мүсават Партијасынын үзвү Һикмәт Һаҹызадә 40 мин доллар алыб, Мүсават Партијасынын ҝәнҹләр тәшкилатына рәһбәрлик едән оғлу Аднан Һаҹызадә исә Америка фондларындан 15 мин доллар алыб ки, “ҝәнҹләри һөкумәтә гаршы гојсун” (сөһбәт НЕД лајиһәсиндән ҝедир). НЕД вә Сорос Фонду мүхтәлиф јолларла мүхалифәти малијјәләшдирир. Демократик өлкәнин мүхалифәти олмалыдыр. Лакин әҝәр о, хариҹи гүввәләр тәрәфиндән малијјәләшдирилирсә, һакимијјәтә гаршы үсјан едир”, - дејә Меһдијев билдириб.
“Мүхалифәтчиләрлә ҝөрүш заманы онлара һансы мәсләһәтләрин верилмәсиндән хәбәримиз вар, мүхалифәт даһа да агрессив олур. Дөвләт өзүнү мүдафиә едәҹәк”, - Меһдијев вурғулајыб. “Биздә мүхалифәтдә олан сијаси партијалар тәрәфиндән јарадылан ГҺТ-ләрин сијаһысы вар вә әҝәр АБШ онлары малијјәләшдирсә, демәли, сөһбәт радикал мүхалифәтин малијјәләшдирилмәсиндән ҝедир”,- дејә о, гејд едиб.
Меһдијев сәфирдән мүасир вә әсил демократ кими Илһам Әлијевә инаныб-инанмадығыны сорушуб. Дерси ҹаваб вериб ки, Ылһам Әлијевин данышдыгларына вә етдикләринә, һәмчинин онун АТӘТ, АШ, НАТО вә диҝәр тәшкилатларын гаршысында демократик өһдәликләрә садиг олмасы барәдә бәјанатларына инаныр.
Бүтүн бу бәјанатлара бахмајараг, реаллыгла сөз арасында дәрин учурум вар. Реал сабитлик јалныз узунмүддәтли демократик ислаһатлар васитәсилә јарана биләр вә әҝәр топлашма азадлығы олмаса, радио вә телевизијада алтернатив фикирләр сәсләнмәсә, Ылһам Әлијевин арзуладығы кими мүасир Авропа мүхалифәтинә малик олмаг мүмкүн олмајаҹаг.
Бунун ҹавабында Меһдијев билдириб ки, әҝәр чох азадлыг вериләрсә, вәзијјәт нәзарәтдән чыхар, хаос јаранар.
Дерси өз шәрһиндә Меһдијевин мөвгејини Илһам Әлијевин фикирләриндән ирәли ҝәлән јени сәрт хәтт кими гијмәтләндирир вә бу хәтт демократијанын јалныз мүәјјән шәртләрлә гәбул олунаҹағыны әкс етдирир.
Диггәт: Хәбәрдән истифадә етдикдә мәнбәјә истинад лазымдыр
