Әһли Бејт -АБНА- хәбәр аҝентлијинин вердији хәбәрә әсасән: 115 јашлы Әләмијјә Һәмудә Гәззада јашајан сонунҹу Османлы вәтәндашыдыр.
Фәләстинин Гәзза золағынын Османлы империјасы сәрһәдләри дахилиндә олдуғу дөврдә Османлы әсҝәрләриндән биринин гызы олараг, дүнјаја ҝәлән Әләмијјә Һәмудә: “Биз Османлы дөврүндә һәмишә түркләрлә бирликдә јашајырдыг. Бүтүн түркләрә саламларымы чатдырырам.”
115 јашлы Һәмудә һәјаты боју һеч вахт һәкимә мүраҹиәт етмәдијини дејиб. Мүнтәзәм олараг, зејтунјағлы јемәкләр једијини дејән Һәмудә ҝүндәлик һәјатында һеч кимин јардымына еһтијаҹ дујмадығыны гејд едиб.
Фәләстинлиләрин Исраилә гаршы мүбаризәләриндән долајы мүһарибәләрә вә силаһ сәсинә өјрәшдијини дејән Һәмудә бундан сонра да Гәззада јашајаҹағыны вә Исраилдән горхмадығыны билдириб.
Һәмудәнин ән бөјүк өвлады 95 јашындадыр. Фәләстиндәки “сонунҹу Османлы” һазырда 80 јашлы оғлу вә 78 јашлы ҝәлини илә бирликдә јашајыр.
Диггәт: Хәбәрдән истифадә етдикдә мәнбәјә истинад лазымдыр
