Әһли Бејт -АБНА- хәбәр аҝентлијинин вердији хәбәрә әсасән: Ислам Ингилабынын Бөјүк Рәһбәри Һәзрәт Ајәтуллаһ әл-Үзма Хаменеи базар ертәси ҝүнү Иранда Һәҹҹ ишләринин мәсул шәхсләринин о һәзрәтлә ҝөрүшләриндә Һәҹҹин, Ислам Үммәти илә әлагәләрин јарадылмасы һабелә мәнәви бәһрәләнмә үчүн чох дәјәрли фүрсәт олдуғуну билдириб, дүшмәнләрин Һәҹҹ мәрасими заманы ихтилаф төрәтмәк вә Ислами Ојаныш далғасы илә гаршылашмаг үзрә ҹәһдләринә дә ишарә едәрәк вурғулајыб: " Бу фитнәкар план гаршысында јеҝанә гәләбә јолух үрәкләрин бир-биринә јахынлашмасы һабелә јекдиллијин ҝүҹләндирилмәсидир".
Һәзрәт Ајәтуллаһ әл-Үзма Хаменеи Һәҹҹи Ислам дининин әсас рәмзләриндән һабелә бөјүк Илаһи гонаглыг олдуғуну билдирәрәк, белә әлавә едиб: "Һәҹҹин үмуми вә бејнәлхалг ҹәһәтиндә миллијјәтләр, етник вә мәзһәби мәсәләләр нәзәрә алынмадан јекдиллик вә Ислами бағларын ҝүҹләндирилмәси ҹидди формада диггәт мәркәзиндә олмалыдыр вә бу фүрсәтдән үрәкләрин јахынлашмасы үчүн истифадә етмәк лазымдыр".
Ислам Ингилабынын Бөјүк Рәһбәри мүсәлманларын ваһид бир бәдән олдугларына тәкид едәрәк сөјләјиб: "Иранлы зәвварлар бу ҹүр үмуми вә бејнәлхалг бахышла Һәҹҹдә иштирак етмәлидирләр вә өзләринин империализм вә инадкарларла отуз иллик мүбаризә тәҹрүбәләрини јениҹә ингилаб етмиш халгларын ихтијарына вермәлидирләр".
Һәзрәт Ајәтуллаһ әл-Үзма Хаменеи һәмчинин Иранда сон банк коррупсијасына ишарә едәрәк дејиб: "Мәһкәмә Һакимијјәтинин мәсул шәхсләри ҝүҹлү, дәгиг вә ағыллы һабелә халга мәлумат чатдырмагла хаинин әлләри кәсмәлидирләр".
Ислам Ингилабынын Бөјүк Рәһәбәри сонра әлавә едиб: "Бу ҹүр мәсәләләрин баш вермәси халгын фикрини вә үрәкләрини мәшғул едир вә бир чохларынын үрәкләрини сындырыр вә ҝөрәсән лајиглидирми ки, мәсул шәхсләрин өз вәзифәләринә әмәл етмәмәләринә ҝөрә халг бу һадисәләрә ҝөрә нараһат олсун вә һәтта бәзиләри өз үмидләрини итирсин".
Һәзрәт Ајәтуллаһ әл-Үзма Хаменеи һәмчинин бу мөвзу илә гаршылашмаг вә охшар һалларын баш вермәсинин гаршысыны алмаг үчүн үч һакимијјәт структурунун ирадәләринин олмасы һагда халга әминлик верәрәк, белә сөјләјиб: "Әлбәттә бир груп бу маҹәрадан өлкәнин мәсул шәхсләрини суал алтына апармаг үчүн истифадә етмәк истәјир, һалбуки Иранын Назирләр Кабинети, Ислам Шурасы Мәҹлиси вә Мәһкәмә Һакимијјәтиндәки мәсул шәхсләр өз вәзифәләрини һәјата кечирмәклә мәшғулдур".
Ислам Ингилабынын Бөјүк Рәһбәри Иранын Мәһкәмә Һакимијјәтинә банк коррупсијасынын мәһкәмә иши һагда изләнилмә барәдә халга мүнасиб мәлумат чатдырманын һәјата кечирилмәси зәрурәти һагда тәкидлә төвсијә едәрәк, белә вурғулајыб: "Иранын Мәһкәмә Һакимијјәти пис ишләр ҝөрән шәхсләр вә коррупсионер шәхсләрә рәһм етмәмәлидир".
Диггәт: Хәбәрдән истифадә етдикдә мәнбәјә истинад лазымдыр
