Әһли Бејт -АБНА- хәбәр аҝентлијинин вердији хәбәрә әсасән: Москва Ҹаме Мәсҹидинин сөкүлмәсинә етираз едән русијалы диндарлар Азәрбајҹандан дәстәк умур.
Сентјабрын 26-да Мүсәлман Халгларын Инкишаф Фондунун сәдри, татар Гајар Исҝәндәров Азәрбајҹан мүсәлманларынын дәстәјинә үмид бәсләдикләрини дејиб: “Јәгин ки, онлар Москвадакы һадисәләрдән хәбәрдардыр. Анҹаг һеч бир реаксија вермәдиләр, бу мәсәләдә бизә дәстәк олмадылар. Биз дин гардашларымыза мүраҹиәт етмәдик. Чүнки онларлыг бир иш јох иди. Амма онлар өзләри мәсҹидин сөкүлмәсинә етираз билдирмәли идиләр. Тәәссүф ки, сәсләрини ешитмәдик”.
Г.Исҝәндәров гејд едиб ки, диндарлар өтән ҹүмә ҝүнү – сентјабрын 23-дә сөкүлмүш мәсҹидин јахынлығында намаз гылыб јардым үчүн Аллаһа дуа едибләр: “Артыг вәкилләримиз сәнәдләри һазырлајыб вә биз мәһкәмәјә мүраҹиәт едәҹәјик. Биз Русија Мүсәлманлары Руһани Идарәсинын Авропа бөлүмүнү мәһкәмәјә веририк. Дөвләт исә сусур. Мәсҹид сөкүлмәмишдән әввәл дөвләт сөкүнтү вә јени иншаат барәдә сәнәдләрин тәгдим олунаҹағыны демишди. Амма бу ҝүнәдәк дөвләтдән һеч бир рәсми ҹаваб ҝәлмәјиб, һеч бир реаксија јохдур”.
Фонд сәдри әлавә едиб ки, мәсҹидин сөкүлмәси Аллаһын ҹәзасыдыр: “Чүнки бу мәсҹиддә лајигли имамлар јох иди”.
Москва Ҹаме Мәсҹиди сентјабрын 11-дә сөкүлүб.
Русија Мүфтиләр Шурасынын рәһбәри Равил Гајнутдин билдириб ки, мәсҹидин бәрпасыны һәјата кечирән тәшкилатлар Москва Ирс Комитәсинин рәјинә әсасланараг онун тарихи абидә олмадығыны ачыглајыблар вә комплексин јенидән тикилмәсинә гәрар верибләр.
Мәсҹид 1904-ҹү илдә мәшһур татар хејријјәчиси Салеһ Јерзинин вәсаити һесабына тикилиб.
Г.Исҝәндәровун сентјабрын 15-дә “Медиа форум” сајтына вердији ачыгламаја ҝөрә, сөкүнтүјә вә мәсҹидин јенидән тикилмәси ишләринә “НАФТА-Москва” Малијјә-Сәнаје Групунун башчысы Сүлејман Кәримов рәһбәрлик едир.
Диггәт: Хәбәрдән истифадә етдикдә мәнбәјә истинад лазымдыр
