Әһли Бејт -АБНА- хәбәр аҝентлијинин вердији хәбәрә әсасән: Јәмән ордусу пајтахт Сәнада нүмајишчиләрин чадыр дүшәрҝәсини снајпер вә гумбараатанлардан атәшә тутуб. Һадисә диктатор Әли Абдулла Салеһин милли барышыға чағырышындан ҹәми бир нечә саат сонра баш вериб.
РИА 'Новости'нин вердији хәбәрә ҝөрә, мәсҹиддә јарадылмыш сәһра һоспиталы да атәшә мәруз галыб.
Сәһра һоспиталынын һәкими Моһаммед ал-Губати дејиб ки, һүҹум нәтиҹәсиндә 6 нәфәр ағыр јараланыб вә 1 нәфәр өлүб.
Даһа өнҹә Јәмән һөкүмәти өлкәјә гајытмыш диктатор Әли Абдулла Салеһин адындан бүтүн сијаси партијалары вә һәрбчиләри атәши дајандырмаға чағырыб. Бәјанатда дејилир ки, диктатор Салеһ 'ган төкүлмәсинин дајандырылмасы вә сабитлијин бәрпа едилмәси јолунда данышыглардан башга јол ҝөрмүр'.
Хатырладаг ки, дүнән 3 ајдыр өлкәдә олмајан диктатор Әли Абдулла Салеһ јенидән Јәмәнә гјыдыб.
Диггәт: Хәбәрдән истифадә етдикдә мәнбәјә истинад лазымдыр
