Әһли Бејт -АБНА- хәбәр аҝентлијинин вердији хәбәрә әсасән: Русијанын баш назири Владимир Путин сентјабрын 24-дә һаким Ваһид Русија Партијасынын гурултајында чыхыш едиб. О, башчылыг етдији партијанын үзвләринә сәсләнәрәк 2012-ҹи ил мартын 4-дә кечириләҹәк президент сечкисиндә намизәд олмаға разылашдығыны билдириб.
Владимир Путун президент сечиләҹәји тәгдирдә индики дөвләт башчысы Дмитриј Медведјевин баш назир күрсүсүнү тутаҹағына инандығыны вурғулајыб.
Ваһид Русија Партијасынын Москвада кечирилән гурултајында даһа әввәл чыхыш едән Дмитриј Медведјев Владимир Путини нөвбәти президент сечкисиндә намизәд олмаға чағырмышды. 2008-ҹи илдә президент сечилән Дмитриј Медведјевин сәлаһијјәт мүддәти 2012-ҹи илдә баша чатыр. Һәмин илин мартында јени президент 6 ил мүддәтинә сечиләҹәк.
Владимир Путин 2000-2008-ҹи илләрдә президент постуну тутуб.
Диггәт: Хәбәрдән истифадә етдикдә мәнбәјә истинад лазымдыр
