Әһли Бејт -АБНА- хәбәр аҝентлијинин вердији хәбәрә әсасән: Иран Ислам Республикасынын Хатәмүл-Әнбија Һавадан Мүдафиә Гәрарҝаһынын команданы С-300 зенит ракет комплексинин "Инам-373" ады илә јерлиләшдирилмәси вә лајиһәләшдирилмәсиндән хәбәр вериб.
Авиасија ҝенералы Фәрзад Исмаили дејиб: Ислам Ингилабынын Бөјүк Рәһбәри Хамнеи һәзрәтләринин ҝөстәриши илә Иранын мүтәхәссис гүввәләри ракет мүдафиәси системиндәки бошлуглары арадан галдырмагла С-300 зенит ракет системинин дүзәлдилмәси вә истифадәјә верилмәси мәрһәләләрини уғурла кечибләр.
"Бу мүдафиә системи һал-һазырда дәгиг лајиһәләшдирмә вә тәләбләрин мүәјјәнләшдирилмәси мәрһәләсиндәдир. Бу иш, Иран ислам Республикасынын Мүдафиә Назирлији вә гәрарҝаһын мүштәрәк әмәкдашлығы илә иҹра олунмагдадыр" -дејә Исмаили билдириб.
Бу системләрин Ирана тәһвил верилмәси үзрә мүгавиләдә Русијанын позуҹулуғуна тохунан Исмаили сөјләјиб: С-300 зенит ракет комплексинин мүгавилә мәсәләсиндә Иран тәрәфи мүгавиләнин бүтүн маддәләрини 2007-ҹи илә гәдәр там шәкилдә иҹра етди, һеч бир шүбһә јарадыҹы мәсәлә мөвҹуд дејилди вә бу системин тәһвил верилмәси гәрара алынмышды. Тәәссүфләр олсун ки, гәрб һөкумәтләринин шејтанлыгларына ҝөрә бу иш баш тутмады.
Һал-һазырда С-300 зенит ракет комплекси мәсәләсинин Мүдафиә Назирлији тәрәфиндән изләнилдијини билдирән Исмаили әлавә едиб: Һөкумәт хариҹи тәрәфләрин ганун позунтуларыны чох ҝөзәл формада изләјир.
Диггәт: Хәбәрдән истифадә етдикдә мәнбәјә истинад лазымдыр
