Әһли Бејт -АБНА- хәбәр аҝентлијинин вердији хәбәрә әсасән:
Бу ҝүн Бакы Ағыр Ҹинајәтләр Мәһкәмәсиндә Азәрбајҹан Ислам Партијасынын сәдри Һаҹы Мөвсүм Сәмәдов, партијанын сәдр мүавини Вагиф Абдуллајев, Астара рајон тәшкилатынын сәдри Руфулла Ахундзадә, Мөвсүм Сәмәдовун гајыны Фирдовси Мәммәдрзајевин, гоһуму Дәјанәт Сәмәдовун вә партија үзвү Зүлфүгар Микајыловун ҹинајәт иши үзрә мәһкәмә просеси давам етдирилир.
Әмәкдашымызын мәһкәмәдән вердији мәлумата ҝөрә, АИП сәдри Доктор Мөвсүм Сәмәдов мәһкәмәдә вәзијјәти писләшиб.
Доктор Мөвсүм Сәмәдов ифадә верәрәк, иттиһам акты үзрә өзүнү тәгсирли билмәјиб. Һакимин суалларыны ҹавабландыран заман Мөвсүм Сәмәдовун вәзијјәти писләшиб. Буна ҝөрә, просесә фасилә верилиб. Мәһкәмәјә тәҹили тибби јардым чағырылыб. Һаким билдириб ки, М. Сәмәдовун вәзијјәти јахшылашандан сонра просес давам етдириләҹәк.
Гејд едәк ки, М. Сәмәдовун вәкили Анар Гасымов вәсатәти тәмин едилмәјиб.
Диггәт: Хәбәрдән истифадә етдикдә мәнбәјә истинад лазымдыр
