Бисмилләһир-Раһмәнир-Раһим!
Аллаһын саламы олсун Һәзрәт Пејғәмбәрә (с) вә онун пак Әһли-бејтинә (ә)!
25 ијул (мүбарәк Шәбан ајынын 23-дә) Азәрбајҹанымызын ән јени тарихиндә өнәмли һадисәләрдән бири баш вермишдир. “Јүз мин мүраҹиәт” кампанијасы чәрчывәсиндә елан олунмуш имза сајына чатылмышдыр. Өлкәнин 100 миндән чох вәтәндашы мәктәбләрдә һиҹаб гадағасынын ҝөтүрүлмәси илә бағлы дөвләт башчысына едилән мүраҹиәти дәстәкләмиш, өз имзасыјла һиҹаб азадлығына дәстәк вермишдир.
Ијул ајынын 25-дә јығылан имзаларын сајы - 6640.
Јығылан имзаларын бу ҝүн үчүн үмуми сајы - 100320.
Беләликлә, кампанијанын 23-ҹү ҝүнүндә елан едилән јүзминлик һүдуд кечилмишдир, әлһәмдулилләһ!
Бу уғуру шәрһ едән ДЕВАММ сәдри Һаҹы Илгар Ибраһимоғлу билдирмишдир: “Шүкүрләр олсун ки, јүзминлик һәдд кечилди. Аллаһ Тәаланын бөјүк лүтфү илә, 2 ај үчүн нәзәрдә тутулан имзалар, 23 ҝүнә јығылды. Өлкәмизин 100 миндән чох вәтәндашы һиҹаб проблеминин һәлли үчүн дөвләт башчысына олан мүраҹиәти дәстәкләди. Биз буну мүбарәк Рамазан ајы өнҹәси Аллаһ Тәаланын сонсуз лүтфүнүн вә мәрһәмәтәнин тәзаһүрү кими дәјәрләндиририк. Бу иши онларла илаһијјатчы гардашымыз, јүзләрлә ихласлы мөмин вә мөминәләр бир ибадәт олараг һәјата кечирдиләр. Аллаһ Тәала зәһмәти кечән һәр бир инсана Өз мәрһәмәт вә тофигатындан гәни-гәни әта етсин, иншәаллаһ!”.
Нөвбәти мәрһәлә илә бағлы суалы ДЕВАММ сәдри белә ҹавабландырды: “Иншәаллаһ, һәләлик имзатоплама давам едәҹәкдир. Кифајәт гәдәр сајда имза вәрәги фәалларымызын әлиндәдир вә бөјүк шөвглә имзатоплама давам едир. Јахын заманларда мәсләһәтләшмәләр вә дәјәрләндирмәләр апарыб, атылаҹаг ҝәләҹәк аддымлар барәдә мүәјјәнләшәҹәјик”.
Һаҹы Илгар ону да әлавә етди ки, кампанија илә бағлы чохлу суалын верилмәсини нәзәрә алараг, шәнбә ҝүнү, ијулун 30-да “Интизар” интернет радиосунун ефириндә хүсуси верилиш тәшкил едиләҹәкдир. ДЕВАММ сәдри динләјиҹиләрин суалларыны интернет-радио васитәсилә ҹавабландыраҹагдыр.
