Әһли Бејт -АБНА- хәбәр аҝентлијинин вердији хәбәрә әсасән: Ислам Ингилабынын Али Мәгамлы Рәһбәри Һәзрәт Ајәтуллаһ Хаменеи өлкәнин бөјүк вә үмуми китабханаларынын рәһбәр ишчиләри вә сырави китабханачылардан бир групу илә буҝүнкү ҝөрүшү заманы мүсәлман Иран халгынын китаб истеһсалы вә китаб мүталиәсиндә гәдим тарихи кечмишә малик олдуғуна тохунараг гејд етди ки, китаб истеһсалы вә нәшри саһәсиндә өлкәдә мөвҹуд олан һазыркы шәраит вә китаб мүталиәси илә бағлы статистика ганеедиҹи дејил. Имам Хамнеји мәдәнијјәт гурумларынын, һабелә китаб вә мүталиә сферасына аидијјәти олан органларын бүтүн рәсмиләрини китаб охума мәдәнијјәтинин, фајдалы вә сағлам китабларын мүталиәсинин өзәлликлә јенијетмә вә ҝәнҹләр арасында ҝенишләндирилмәси үчүн бу саһәдә ҹидди ислаһатлар апармаға, јени вә әһатәли фәалијјәтләр һәјата кечирмәјә чағырды.
Ҝөрүш заманы Һәзрәт Ајәтуллаһ Хаменеи чәкдикләри зәһмәтә ҝөрә китабханаларын рәһбәр ишчиләринә вә китабханачылара тәшәккүрүнү билдирәрәк гејд етди ки, белә бир ҝөрүшүн кечирилмәси китаба вә китаб мүталиәсинә бөјүк еһтирамын ифадәси үчүн символик бир аддымдыр. О, әлавә етди: “Күтләви информасија васитәләри саһәсиндә әлдә едилмиш сон наилијјәтләрә, ән јени коммуникасија технолоҝијаларынын мөвҹудлуғуна бахмајараг, китаб һеч вахт диггәтдән кәнарда галмајаҹаг вә һеч бир јени мәдәнијјәт вә коммуникасија технолоҝијасы китабын јерини тута билмәз”.
Имам Хамнеји һәзрәтләри гејд етди ки, китаба мүнасибәтдә диггәт вә марағын артырылмасы үчүн дүшүнәрәк китаб охума вәрдишини ҝенишләндирмәк лазымдыр.
Дүшүнәрәк китаб охума мәдәнијјәтинин ҝенишләндирилмәсиндә бүтүн тәһсил вә мәдәнијјәт гурумларынын өһдәсинә мүәјјән вәзифә дүшдүјүнү вурғулајан Һәзрәт Ајәтуллаһ Хаменеи әлавә етди: “Китаб мүталиәсинин ҝенишләндирилмәси ишиндә Тәһсил Назирлији вә орта мәктәбләрдән тутмуш мәтбуат вә Дөвләт Телерадиосу да дахил олмагла бүтүн күтләви информасија вә тәблиғат гурумларынын өһдәсинә мәсулијјәт дүшүр”.
“Китабын вә китаб охунушунун тәблиғи медиада вә реклам аҝентликләриндә ҝениш мигјас алмалыдыр” – дејән Али Мәгамлы Рәһбәр әлавә етди: “Бу ҝүн мәтбуатда, һабелә “Сәда вә сима” Дөвләт Телерадиосунда бәзи әһәмијјәтсиз, һәтта зәрәрли мәһсуллар ҝениш реклам олунур. Әзәмәтли вә дәјәрли бир мәһсул олан китаб үчүн исә лазыми тәблиғат-тәшвигат иши һәјата кечирилмир”.
Али Мәгамлы Рәһбәр ашағыдакылары да вурғулады: “Китаб мүталиәси халгымызда, хүсусән дә ҝәнҹләримиздә һәмишәлик вәрдишә чеврилмәли, аиләләрин истеһлак сәбәтиндә мәгбул бир паја малик олмалыдыр”.
Чыхышынын давамында Имам Хаменеи һәзрәтләри китабханалар, һабелә охуҹуларын истигамәтләндирилмәсиндә китабханачыларын мүһүм ролу мөвзусуна тохунараг әлавә етди: “Китабханаларда ән мүһүм вә ағыр вәзифә китабханачыларын өһдәсинә дүшүр”.
Китабханачыларын охуҹуларын истигамәтләндирилмәси үчүн мәнбә олдуғуну вурғулајан Али Мәгамлы Рәһбәр деди: “Һазырда еһтијаҹ дујулан мәсәләләрдән бири дә китабсевәрләр арасында системли мүталиә вәрдишинин ҝенишләндирилмәсидир. Китабханачылар охуҹулары дүзҝүн истигамәтләндирмәклә бу бошлуғу арадан галдыра биләрләр”.
Диггәт: Хәбәрдән истифадә етдикдә мәнбәјә истинад лазымдыр
