Әһли Бејт -АБНА- хәбәр аҝентлијинин вердији хәбәрә әсасән: Ишғалчы Ермәнистан ордусу гошунларын тәмас хәттиндә бир нечә истигамәтдә атәшкәси позуб. Бу барәдә мәлумат Мүдафиә Назирлијинин мәтбуат хидмәтиндән верилиб.
Мәлумата ҝөрә, Ермәнистан ишғалчы силаһлы гүввәләринин бөлмәләри ијулун 21-дә саат 10.45-дән 11.10-дәк Ҝоранбој рајонунун Тапгарагојунлу кәнди јахынлығында јерләшән мөвгеләрдән, саат 16.45-дән 16.50-дәк вә ијулун 22-дә саат 00.05-дән 00.09-дәк Фүзули рајонунун Ашағы Әбдүлрәһманлы кәнди јахынлығында јерләшән мөвгеләрдән, саат 00.25-дән 00.45-дәк Дашкәсән рајонунун әразисиндәки адсыз јүксәкликләрдә јерләшән мөвгеләрдән, саат 01.20-дән 01.25-дәк Ағдам рајонунун Ҹәваһирли кәнди јахынлығында јерләшән мөвгеләрдән, саат 05.50-дән 06.10-дәк Ҹәбрајыл рајонунун әразисиндәки адсыз јүксәкликләрдә јерләшән мөвгеләрдән Мүсәлман Азәрбајҹан Силаһлы Гүввәләринин үзбәүз мөвгеләрини автомат вә пулемјотлардан атәшә тутублар.
Дүшмән ҹаваб атәши илә сусдурулуб.
Диггәт: Хәбәрдән истифадә етдикдә мәнбәјә истинад лазымдыр
