Әһли Бејт -АБНА- хәбәр аҝентлијинин вердији хәбәрә әсасән: Коми республикасы аловла мүбаризә үчүн Москвадан десантчы јанғынсөндүрәнләр ҹәлб едиб
Русијанын шимал-гәрбиндә мешә јанғынлары түғјан едир. Анспресс-ин мәлуматына ҝөрә, хүсусилә мүрәккәб вәзијјәт Архангелск вилајәтиндә вә Коми республикасында јараныб. Коми республикасында Фөвгәладә Һаллар Назирлијинин јанғынсөндүрмә дәстәләри ејни вахтда 20 ири јанғынла мүбаризә апарыр. Көмәк үчүн Москвадан јанғынсөндүрән десантчылар вә авиасија ҹәлб едилиб. Һазырда Комидә јанғынын сөндүрүлмәсинә 700-дән чох јанғынсөндүрән, 22 әдәд техника вә 7 тәјјарә ҹәлб олунуб.
Коми республикасынын Удорск рајонунда 2000 һектар әразини әһатә едән јанғыны исә 2 һәфтәдир сөндүрмәк мүмкүн олмур.
Диггәт: Хәбәрдән истифадә етдикдә мәнбәјә истинад лазымдыр
