Әһли Бејт -АБНА- хәбәр аҝентлијинин вердији хәбәрә әсасән: Һәбсдә олан Мүбариз Руһани Һаҹы Азәр Ҹәбијев барәсиндә ҹинајәт иши үзрә тәкрар мәһкәмә истинтагы апарылыр.
Вәкил Елчин Намазов билдириб ки, Ҝәнҹәнин Низами Рајон Мәһкәмәсинин һөкмүндән Ҝәнҹә Апеллјасија Мәһкәмәсинә верилән шикајәтә бахыларкән белә бир арашдырманын ҝетмәси үчүн гәрар чыхарылыб.
Мүбариз Руһани Азәр Ҹәбијев Ҝәнҹәнин Низами Рајон Мәһкәмәсинин һөкмү илә 4 ил мүддәтинә азадлыгдан мәһрум едилиб. О, Ҹинајәт Мәҹәлләсинин 221.3-ҹү маддәси илә (силаһдан вә ја силаһ гисминдә истифадә едилән әшјалары тәтбиг етмәклә хулиганлыг) шәрләнәрәк тәгсирли билиниб.
Биринҹи инстансија мәһкәмәси заманы мүдафиә тәрәфи објектив арашдырмалар апарылмасыны тәләб едиб. Вәкилин сөзләринә ҝөрә, һәмин арашдырма апарылмајыб. Ҝәнҹә Апеллјасија Мәһкәмәсинин һакими Ҹејһун Әһмәдов рајон мәһкәмәсинин һөкмүндән верилән шикајәтә бахаркән мүдафиә тәрәфинин вәсатәтини тәмин едиб вә тәкрар мәһкәмә истинтагына гәрар вериб.
Бу арашдырмалар ијулун 13-дә апеллјасија мәһкәмәсиндә кечирилән просесдә давам едәҹәк: “Истинтаг һәрәкәтләри башлајыб. Артыг Ҝәнҹәнин Низами Рајон Полис Шөбәсинин рәиси Ағаһүсејн Мәммәдов диндирилиб. Рәис билдирмишди ки, ҝуја Азәр Ҹәбијев ону һәдәләјәрәк стулла вурмаг истәјиб. Бу ифадәнин һәгигәтә ујғун олмадығы тәсдигләниб. Она ҝөрә дә дөвләт иттиһамчысы һәмин иттиһамдан имтина етдијини ачыглајыб”.
Диггәт: Хәбәрдән истифадә етдикдә мәнбәјә истинад лазымдыр
