Әһли Бејт -АБНА- хәбәр аҝентлијинин вердији хәбәрә әсасән: Јәмән диктатору Әли Адбулла Салеһ ијунун 3-дән бәри илк дәфә телевизијада ҝөрүнүб. Ијулун 7-дә Јәмәнин дөвләт телевизијасы Сәудијјә Әрәбистанынын пајтахты Әр-Ријадда чәкилмиш видео мүраҹиәти јајыб. Камера гаршысына үзүндә јаныг изләри, әлләри бинтлә сарыглы чыхан диктатор 8 дәфә әмәлијјат олундуғуну дејиб.
Феврал ајындан Јәмәндә халг үсјаны ҝедир. Әсас тәләб 1978-ҹи илдән президент күрсүсүнү тутан Салеһин истефасыдыр. Гаршыдурмаларда јүзләрлә адам һәлак олуб. Салеһ ијунун 3-дә президент сарајына артиллерија һүҹумунда јараланыб. Ијунун 4-дә о, Сәудијјә Әрәбистанына јолланараг хәстәханаја јерләшдирилиб.
Һазырда президент сәлаһијјәтләрини витсе-президент Әбд-Рәббиһи Мәнсур Һади һәјата кечирир.
7 ијул чыхышында Салеһ сијаси диалога һазыр олдуғуну дејиб. Просесләрин конститусија чәрчивәсиндә апарылмасыны ваҹиб сајдығыны вурғулајан олигарх ону истефаја сәсләјән мүхалифәти тәнгид едиб.
Салеһ өлкәјә нә вахт гајыдаҹағы һагда һеч нә демәјиб.
Диггәт: Хәбәрдән истифадә етдикдә мәнбәјә истинад лазымдыр
