Әһли Бејт -АБНА- хәбәр аҝентлијинин вердији хәбәрә әсасән: Иҹтимаи Палатанын 2 апрел митингинә ҝөрә һәбс олунан Мүсават фәалы Әһәд Мәммәдли барәсиндә ачылан ҹинајәт ишинин хәтм олунмасы вә онун дәрһал азадлыға бурахылмасы үчүн Бакы Шәһәр Прокурорлуғуна вәсатәт верилиб. “Медиа форум” сајтына данышан вәкил Јалчын Иманов белә дејиб.
Бакы Шәһәр Прокурорлуғунда јарадылмыш истинтаг групунун Әһәд Мәммәдли барәсиндә апардығы истинтаг ијулун 1-дә јекунлашыб. Әһәд Мәммәдли Ҹинајәт Мәҹәлләсинин 233-ҹү (Иҹтимаи гајданын позулмасына сәбәб олан һәрәкәтләри тәшкил етмә вә ја бу ҹүр һәрәкәтләрдә фәал иштирак етмә) вә 315.1-ҹи (Һакимијјәт нүмајәндәсинә гаршы мүгавимәт ҝөстәрмә вә ја зор тәтбиг етмә) маддәләри илә иттиһам олунур.
Вәкил вәсатәти ијулун 7-дә истинтаг групунун мүстәнтиги Вагиф Сүлејманова тәгдим етдијини дејиб: “Вәсатәтдә һәм јерли, һәм дә бејнәлхалг ганунвериҹиликлә әсасландырылыб ки, Әһәд Мәммәдлинин әмәлләриндә 233 вә 315.1-ҹи маддәнин әламәтләри јохдур. Она ҝөрә дә, ҹинајәт тәгибинә бәраәтвериҹи әсасларла хитам верилмәлидир вә мүдафиә етдијим шәхс дәрһал азадлыға бурахылмалыдыр”
Диггәт: Хәбәрдән истифадә етдикдә мәнбәјә истинад лазымдыр
