Ислам Үммәтинин Лидери Гураны Ислам үммәтинин вәһдәт, иззәт вә игтидарынын ән мүһүм амили адландырараг гејд етди ки, реҝион халгларынын гијамы Гуранда әксини тапмыш илаһи вәдләрин гәти сурәтдә ҝерчәкләшмәсинин ачыг-ајдын нишанәсидир. Бејнәлхалг Гурани-Кәрим мүсабигәләри бу сәмави китабын мүсәлманлары бир араја ҝәтирмәк, араларында вәһдәтә наил олмаг үчүн нә гәдәр бөјүк вә сонсуз потенсиала малик олдуғуну ҝөстәрир”
Али Мәгамлы Рәһбәр гејд етди ки, Гурани-Мәҹидин вәһдәт јаратма потенсиалына гаршы диггәтсизлик мүсәлман халгларынын бөјүк гәфләтидир. О, әлавә етди: “Гуран мәфһумларына вә илаһи вәдләрә инанмамаг Ислам үммәтинин вәһдәтинә, иззәт вә игтидарына, фактики олараг, әнҝәл төрәтмиш даһа бир гәфләт тәзаһүрүдүр”.
Гуранда верилән илаһи вәдләрин мүтләг сурәтдә ҝерчәкләшмәси һагда данышан Һәзрәт Ајәтуллаһ Хаменеи Иран халгынын мүгәддәратынын неҹә дәјишдијинә тохунараг деди: “Биз – Иран халгы
”انَّ الله لا یُغَیِّرُ ما بِقَومٍ حَتّی یُغَیِّروا ما بِاَنفُسِهِم “
“Һәр һансы бир тајфа өз төврүнү (нәфсиндә оланлары) дәјишмәдикҹә (позмадыгҹа), Аллаһ да онун төврүнү (һалыны) дәјишмәз”. (“Рәд” сурәси, ајә 11)
– ајәсини әмәлдә тәҹрүбәдән кечирмишик, Аллаһ наминә гијам етмәјимиз, Аллаһын дининә јардым етмәјимиз сајәсиндә, мүгәддәс китабда мөминләрә вәд олунмуш илаһи јардымы вә галибијјәти мүкәммәл дәрәҹәдә һисс етмишик”.
Һәзрәт Ајәтуллаһ Хаменеи шаһ диктатурасы дөврүндәки Ираны “Американын Ираны”, “сионистләрдән асылы олан Иран” адландырараг деди: “Иранын империализм вә сионизмә гаршы мүбаризә апаран ҝүҹлү бир гүтбә чеврилмәси ҝөз габағында олан бир мөҹүзә, Аллаһ-Тааланын Гуранда мөминләрә мүждә вердији гәләбә вәдинин ҝерчәкләшмәсидир”.
“Реҝион халгларынын, о ҹүмләдән Мисир халгынын гијамы Гурандакы илаһи вәдләрин мүтләг вә гачылмаз олмасынын бариз ҝөстәриҹиләриндән биридир” – дејән Һәзрәт Ајәтуллаһ Хаменеи әлавә етди: “Америка, хәбис сионист ҹәбһәси вә реҝионда онлардан сијаси ҹәһәтдән асылы олан гүввәләр Мисир халгынын гијам едәҹәјини һәтта ағылларына белә, ҝәтирмирдиләр. Лакин Мисир халгы “Аллаһу-Әкбәр!” шүарлары, ҹүмә вә ҹамаат намазлары илә мејданлара чыхыб Аллаһын дининә јардым етди. Аллаһ-Таала да бу халга галибијјәти нәсиб етмәклә бир даһа сүбута јетирди ки, әҝәр Јарадан бир кәсә јардым етсә, һеч бир гүввә она галиб ҝәлә билмәз”.
Чыхышынын диҝәр гисминдә Һәзрәт Ајәтуллаһ Хаменеи гејд етди ки, Гураны әзбәрләмәк мүгәддәс китабдакы ајәләрин мәнасы һагда дәриндән дүшүнмәк үчүн даһа чох фүрсәт јарадыр. Јенијетмә вә ҝәнҹләрә Гураны әзбәрдән өјрәнмәји төвсијә едән Али Мәгамлы Рәһбәр деди: “Гурандакы дәрин мәна вә мәфһумлары дәрк етмәјин әсл ачары ајәләрин мәнасы һагда дүшүнмәк, онлары тәфәккүрүн сүзҝәҹиндән кечирмәкдир. Шәриф ајәләрин әзбәрләнмәси бунун үчүн даһа јахшы вә даһа чох фүрсәт јарадыр”.
Ҝөрүшүн әввәлиндә вәли-фәгиһин нүмајәндәси, Хејријјә Гурумлары вә Хејријјә Ишләри Тәшкилатынын башчысы Һөҹҹәтүл-Ислам вәл-муслимин Мәһәммәди Теһранда кечирилмиш 28-ҹи Бејнәлхалг Гуран Мүсабигәсинин ҝедиши һагда мәлумат верәрәк деди: “5 ҝүн давам етмиш будәфәки мүсабигәдә дүнјанын 61 өлкәсини тәмсил едән 96 Гуран һафизи вә гари, һәмчинин 13 мүнсиф иштирак етди”.
Һөҹҹәтүл-Ислам вәл-муслимин Мәһәммәди билдирди ки, ҹари Гуран мүсабигәсинин програмы чәрчивәсиндә Гуран тәдгигатларына һәср олунмуш мәгаләләрин тәгдиматынын, Гуран сферасында фәал олан ханымларын симпозиумунун, гираәт вә һифз үзрә семинарларын, Гуран мәһсуллары сәрҝисинин вә мүхтәлиф Гуран мәҹлисләринин кечирилмәси дә нәзәрдә тутулур.
Диггәт: Хәбәрдән истифадә етдикдә
