Әһли Бејт -АБНА- хәбәр аҝентлијинин вердији хәбәрә әсасән: Јевлах мәсҹидинин ахунду Һаҹы Намиг Әлијевә гаршы "гара пиар" кампанијасы һәләдә давам етмәкдәдир.
Јевлахын Имам Ҹамааты Һаҹы Рамин Гулијев бу мәсәлә илә бағлы Ислам-Азери.аз Интернет гәзетинә јени мәлумат вериб.
О билдириб ки, "Јени Дөвр" гәзети өтән ҝүн үзр истәмәсинә бахмајараг бу ҝүн јенидән ифтираларына давам едиб.
Белә ки, гәзетдә чыхан јени јазыда билдирилир ки, ҝуја ҹамаат Јевлах мәсҹидинин ахунду Һаҹы Намиг Әлијевә гаршы чох һиддәтлидирләр вә ону дашгалаг етмәк истәјирләр. Ахунд исә гачыб ҝизләниб. Онун Ирана гачдығы ҝүман едилир.
Јевлахын Имам Ҹамааты Һаҹы Рамин Гулијев бу јазыланларын һамысынын ҹәфәнҝијат вә ифтирадан башга бир шеј олмадығыны билдирәрәк мәсәлә илә бағлы артыг даһа гәти аддым атмаг нијјәтиндә олдугларыны дејиб.
О, билдириб ки, Јевлах ҹамааты "Јени Дөвр" гәзетинә гаршы артыг һүгуги јоллара баш вурмағы гәрара алыб вә гәзет мәһкәмәјә вериләҹәк. Һәмчинин мәсәлә илә әлагәдар етираз нүмајишинин дә кечирилә биләҹәји гејд едилиб.
Гејд едәк ки, "Јени дөвр" гәзетиндә дәрҹ едилмиш мәлум ифтира јазысындан сонра ҹамаат етриаз етмиш вә гәзет рәһбәрлији дә үзр истәмиш, һәтта бу үзрү рәсми шәкилдә гәзетин нөбәти сајында дәрҹ едиләҹәји билдирилмишди.
Лакин әксинә олду; гәзетин нөвбәти сајында ифтираларын давамы ҝөрүлмәкдәдир.
Бүтүн бунлар исә әсас верир ки, бу һансыса сифариш әсасында апарылан кампанијадыр вә "Јени Дөвр" гәзети кампанијаны дајандырмаға ҹәһд етсә дә јени ҝөстәришә әсасән "Давам един!" әмриндән чыхмаға ҹәсарәт едә билмәјиб.
Диггәт: Хәбәрдән истифадә етдикдә мәнбәјә истинад лазымдыр
