Әһли Бејт -АБНА- хәбәр аҝентлијинин вердији хәбәрә әсасән: Јевлах мәсҹидинин ахунду Һаҹы Намиг Әлијевә гаршы чох ијрәнҹ бир ифтира атылыб.
Ифтира саһибләри диндарлар вә садә әһали арасында чох бөјүк нүфуза вә һөрмәтә малик олан Һаҹы Намиг Әлијевин ҝуја намаз үстүндә бир гадыны зорламасыны гондарыблар.
"Јени Дөвр" гәзети исә бу хәбәри гәзетдә дәрҹ етмишди.
Јевлахын Имам Ҹамааты Һаҹы Рамин Гулијев бу мәсәлә илә бағлы Ислам-Азери.аз Интернет гәзетинә јени мәлумат вериб.
Онун сөзләринә ҝөрә, "Јени Дөвр" гәзетинин рәһбәрлији онлара телефон васитәсилә зәнҝ едәрәк рәсмән үзр истәдијини билдирибләр.
Диндарлар исә, бу гарајахманын нәинки ахунда, бүтүн диндарлара гаршы олдуғуну онлара билдирәрәк бу ифтиранын әсил сәбәбкарынын адыны сөјләмәји тәләб едибләр.
Гәзет рәһбәрлији бу јазыланларын шаијә вә јалан олмасыны, һәмчинин рәсми олараг үзр истәјәҹәкләрини билдирәрәк 4 ијулда "Јени Дөвр" гәзетиндә бунунла бағлы тәкзиб вә үзрхаһлыг јајымлајаҹагларыны өнә чәкибләр.
Һаҹы Рамин исә, бу гарајахманын әсил саһибинин кимлији ачыгланмадығы тәгдирдә мәһкәмәјә верәҹәкләрини гејд едиб.
Диггәт: Хәбәрдән истифадә етдикдә мәнбәјә истинад лазымдыр
