Әһли Бејт -АБНА- хәбәр аҝентлијинин вердији хәбәрә әсасән: Ијунун 30-да Сабирабад рајонунун Гасымбәјли вә Әсҝәрбәјли кәндләринин сакинләри јерли Иҹра Һакимијјәтинин бинасыны мүһасирәјә алараг 2010-ҹу ил мај-ијун дашгынынын нәтиҹәләринин арадан галдырылмасы барәдә президентин гәрарынын јеринә јетирилмәсини тәләб едибләр.
80-ә јахын фермер Иҹра Һакимијјәтинин башчысы Назим Исмајыловла ҝөрүшәрәк, президентин јанында вердији вәдләри нә үчүн јеринә јетирмәдијинин сәбәбләрини өјрәнмәк истәјиб. Лакин Исмајылов јалныз 10 нәфәри гәбул едәрәк билдириб ки, һәләлик јашајыш евләринин бәрпасына вәсаит јохдур. Ејни заманда о, ҝөрүшә ҝәләнләрин “нанкорлуғуну” гејд едиб.
Етираз едәнләр ҹаваблардан наразы галыблар вә дәјишиклик олмаса, базар ертәси Иҹра Һакимијјәтинин бинасы гаршысында пикет кечирмәји гәрара алыблар.
Мајын 5-дә дашгына мәруз галмыш рајонлара сәфәр заманы президент Илһам Әлијев Әсҝәрбәјли кәндинин сакинләри илә планлашдырылмамыш ҝөрүш кечириб. Президент фермерләрин шикајәтләрини динләјиб вә онларын арадан галдырылмасы үчүн ҝөстәриш вериб.
Бир һәфтәдән сонра дөвләт башчысы 2011-ҹи ил үчүн Еһтијат Фондундан Сабирабад, Саатлы, Имишли, Ағҹабәди вә Зәрдаб рајонларынын сосиал-игтисади инкишафы үчүн 2 млн. манатын ајрылмасы һагда сәрәнҹам имзалајыб.
Гасымбәјли вә Әсҝәрбәјли кәндләринин сакинләринә јени евләрин тикинтиси вәд олунуб. Онларын мәлуматына ҝөрә, дашгын заманы зәрәр дәјмиш евләрин сајы 87-дир. Дөвләт комиссијасы нүмајәндәләринин реҝиона сәфәриндән сонра рәсми мәнбәләр 51 евин иншасына башландығыны билдирибләр, лакин тикинтијә башланылмајыб
Сон мәлуматлара ҝөрә, Сабирабад електрик шәбәкәсинин јени рәиси Рөвшән Рәсуловун ишдән чыхардығы 40 нәфәр әмәкдаш етиразчылара гошулмаг нијјәтиндәдир.
Диггәт: Хәбәрдән истифадә етдикдә мәнбәјә истинад лазымдыр
