Әһли Бејт -АБНА- хәбәр аҝентлијинин вердији хәбәрә әсасән: Дүнјанын бир нөмрәли ишғалчы режими, Азәрбајҹанда јашајан јәһудиләри ишғал етдији Фәләстин торпагларына көчүрмәк нијјәтиндәдир
"Изрус" сајтын вердији мәлумата ҝөрә, ҝәлән һәфтә Бакыда III Дүнја Азәрбајҹанлылар Конгреси өз ишинә башлајаҹаг. Бурда дүнјанын мүхтәлиф өлкәләриндән Азәрбајҹан диаспораларынын нүмајәндәләри иштирак едәҹәк. Гејд едәк ки, 20 функсионеринин иштирак едәҹәји Азәрбајҹан-Исраил Бејнәлхалг Ассосасијасынын нүмајәндә һејәтинә 2 витсе-мер дә дахилди: Јокнемадан Роман Перес вә Маалот Таршиһдән Аркадиј Померанес.
Онларын сөзләринә ҝөрә, һәр икисинин ҝөрүш мөвзусу тәјин олунуб. Онлар Азәрбајҹанла тиҹарәт әлагәләрини инкишаф етдирмәк, һәмчинин өлкәләриндә Ҹәнуби Гафгаз Республикаларындан олан јәһудиләрин јерләшдирилмәси имканы барәдә данышаҹаглар.
Гејд едәк ки, нүмајәндәләр Исраилдә јахшы танынан әслән Бакыдан олан јәһудиләрдир. Мәһз бу сәбәбдән Перес Исраилдә јашамаг истәјән јәһудиләрләлә ҝөрүшмәк истәјир: «Мән онларын Јокнеама даими јашамаг үчүн дәвәт јолларыны арашдырырам. Бизим өлкәдә кечмиш ССРИ Республикаларындан вә башга өлкәләрдән чохлу јәһуди вар.»
Һәр ики нүмајәндә Азәрбајҹанда тиҹарәт имканларыны өјрәнмәк истәдикләрини билдирибләр. «Ола билсин ки, Азәрбајҹанла тәкҹә мәдәни дејил, тиҹари әлагәләри дә инкишаф етдирә биләк», - дејә Померанес билдириб. Перес дә онунла разылашараг әлавә едиб: «Исраилдә он минләрлә азәрбајҹанлы вар, белә јүксәк инсан потенсиалыны бизнесин инкишафы үчүн истифадә етмәк лазымдыр».
Диггәт: Хәбәрдән истифадә етдикдә мәнбәјә истинад лазымдыр
