Әһли Бејт -АБНА- хәбәр аҝентлијинин вердији хәбәрә әсасән: Гафгаз Мүсәлманлары Идарәси Исраил ширкәти илә әмәкдашлыға даир хәбәрләрә мүнасибәт ачыглајыб
“Бу, Гафгаз Мүсәлманлары Идарәсинә гаршы гарајахма кампанијасы силсиләсиндән нөвбәти абсурд, ағ јаландыр”.
Буну АПА-нын сорғусуна ҹаваб олараг Гафгаз Мүсәлманлары Идарәсинин (ГМИ) мәтбуат хидмәтинин рәһбәри Рәһимә Дадашова мәтбуатда ГМИ-нин Исраил ширкәти илә әмәкдашлығы барәдә јазылан хәбәрләрә мүнасибәт билдирәркән билдириб.
“Бирмәналы шәкилдә бәјан едирик ки, ГМИ-нин ады чәкилән ширкәт вә шәхслә һеч бир контакты олмајыб. Белә бир ҹәфәнҝијјатын дөвријјәјә бурахылмасы идарә вә онун рәһбәрлијини нүфуздан салмаг үчүн атылмыш мәгсәдјөнлү, гәрәзли аддымдыр. Мүсәлманларын Гүдсдәки мүгәддәс мәканлара зијарәт сәфәрләри јалныз Гүдс Фәләстинин пајтахты елан олунандан сонра, иншаллаһ, ҝүндәмә ҝәлә биләр” - дејә, Р. Дадашова билдириб.
Гејд едәк ки, ГМИ-нин Исраил ширкәтләри илә әмәкдашлығы хәбәрини “Јени Мүсават” гәзети “ИзРус” порталына истинадән јајыб. Мәлуматда билдирилир ки, Исраилин “Елита ВИП Турс” туризм ширкәтинин рәһбәри Шмуел Раһман бу ҝүнләрдә Бакыда олуб, Исраилдәки мүгәддәс мәканлара кичик Һәҹҹ зијарәтинин (Имрә) тәшкилинә даир мүгавилә бағлајыб.
Диггәт: Хәбәрдән истифадә етдикдә мәнбәјә истинад лазымдыр
