Әһли Бејт -АБНА- хәбәр аҝентлијинин вердији хәбәрә әсасән: Франса Президенти Никола Саркозинин Ермәнистан Президенти Серж Саркисјана мүраҹиәтиндә дејиб: Дағлыг Гарабағ мүнагишәсинин низамланмасына даир сонракы данышыглар үчүн әсас ола биләҹәк принсипләри тәсдигләмәјин вахты чатыб.
Мәлумата ҝөрә, хәбәри “Медиамакс” аҝентлији Ермәнистан Президентинин мәтбуат хидмәтинә истинадән јајыб.
Саркози гејд едиб ки, онунла бирҝә президентләр Обама вә Медведевин мајын сонларында Довилдә вердикләри бәјәнатын давамы кими әминлијини билдирмәк истәјир ки, тарихдә өлкә президентләринин өз халгларына мүдриклик, ҹәсарәт вә сүлһ јолу ҝөстәрмәли олдуглары анлар олур. Саркози әминдир ки, бу вахт чатыб.
Бу ҝүн Казанда Азәрбајҹан, Русија вә Ермәнистан президентләринин Дағлыг Гарабағ үзрә үчтәрәфли ҝөрүшү кечириләҹәк.
Диггәт: Хәбәрдән истифадә етдикдә мәнбәјә истинад лазымдыр
