Әһли Бејт -АБНА- хәбәр аҝентлијинин вердији хәбәрә әсасән: Јерли-јерсиз гоншу дөвләтләри Ермәнистанла достлугда сучуглајан, ҝүја Азәрбајҹан әлејһинә чалышмада ҝүнаһландыран әлијевләр режимин ич-үзү ачылды. Нәһајәт режимин Гафгаз Мүсәлманлары Идарәси мәтбуат хидмәтинин рәһбәри Рәһимә Дадашова дејиб: “Гафгаз Мүсәлманлары Идарәсинин сәдри шејхүлислам Аллаһшүкүр Пашазадә МДБ Динләрарасы Шурасынын һәмсәдридир, онун бу гурумун бүтүн тәдбирләриндә иштиракы зәруридир вә приоритет әһәмијјәт кәсб едир. Бу илин нојабрында Ермәнистанда кечирилмәси планлашдырылан МДБ Рәјасәт Һејәтинин иҹласында ГМИ сәдринин иштиракына ҝәлинҹә, бу мәсәлә Пашазадә һәзрәтләринин гурумун диҝәр һәмсәдри - Москва вә бүтүн Русија Патриархы Кирил һәзрәтләри илә нөвбәти ҝөрүшү заманы ҝүндәмә ҝәтириләрәк мүзакирә едиләҹәк”.
Рәһимә Дадашова гејд едиб ки, Рус Православ Килсәси (РПК) узун илләр әрзиндә Гафгаз Мүсәлманлары Идарәси вә ермәни Апостол Килсәсинин рәһбәрләри арасында ҝөрүш вә тәмасларын васитәчиси олуб.
“Бу әнәнәни давам етдирән РПК шејхүлислам һәзрәтләринин Ирәванда кечириләҹәк тәдбирдә иштиракыны истәр МДБ мәканында динләрарасы диалог ишинә төһфә бахымындан, истәрсә дә Азәрбајҹан-Ермәнистан дини лидерләринин нөвбәти ҝөрүшү контекстиндә мәгсәдәујғун сајыр вә бу јөндә сәј ҝөстәрир”, - о әлавә едиб.
МДБ Динләрарасы Шурасынын иҹласынын нојабрын 28-дә Јереванда кечирилмәси нәзәрдә тутулур.
Диггәт: Хәбәрдән истифадә етдикдә мәнбәјә истинад лазымдыр
