Әһли Бејт -АБНА- хәбәр аҝентлијинин вердији хәбәрә әсасән: Партија сәдринин мүавини Һаҹы Акиф Һејдәрли дејиб ки, АИП-ин 7-ҹи гурултајынын кечирилмәси илә бағлы һазырлыг ишләринә башланылыб. А. Һејдәрли билдириб ки, гурултајын вахты вә јери мәһкәмәнин һөкмүндән сонра мүәјјәнләшәҹәк: “Гурултајын кечирилмәси партија рәһбәрләринин һәбси илә бағлы дејил. Лакин мәлум сәбәбләрдән - партијанын рәһбәрләринин сахланмасы илә әлагәдар гурултајын вахтыны мүәјјәнләшдирә билмирик. Гурултајдан сонра сәнәдләр һазырланаҹаг вә дөвләт гејдијјатына алынмасы үчүн Әдлијјә Назирлијинә тәгдим олунаҹаг”. АИП сәдринин мүавини гејд едиб ки, партијанын тәшкилатланмасы илә бағлы зәрури аддымлар атылмагдадыр вә артыг бир нечә рајонда гурумун јерли тәшкилатлары тәсис едилиб.
Гејд едәк ки, 1992 илдә Азәрбајҹан Республикасында Мусават партијасындан сонра икинҹи партија олараг дөвләт гејдијјатындан кечән Азәрбајҹан Ислам Партијасы өз фәалијјәтинә башлајараг вәтәнинә сајсыз хидмәтләр етмишдир. 1995-96 илләрдә Сионистләрин ҝөстәриши илә Һејдәр Әлијевин репресијаларына мәруз галараг нөвбәти гејдијјатдан кечирилмәмишдир. Вәтәнә хидмәтдән өтрү нөвбәти дәфә гејдијјатдан кечмәк истәјән Азәрбајҹан Ислам Партијасы бир даһа да Әлијевләрин репресијаларына туш ҝәләрәк 2011.01.07 тарихиндә партија сәдри Доктор Мөвсүм Сәмәдов, партијанын сәдр мүавини Вагиф Абдуллајев, Астара рајон тәшкилатынын сәдри Руфулла Ахундзадә вә Доктор Мөвсүм Сәмәдовун гајны Фирдовси Мәммәдрзајев Ҹинајәт Мәҹәлләсинин 28, 214.2.1-ҹи (габагҹадан әлбир олан бир груп шәхс, мүтәшәккил дәстә вә ја ҹинајәткар бирлик (ҹинајәткар тәшкилат) тәрәфиндән террора һазырлыг), 28, 214.2.3-ҹү (одлу силаһдан вә силаһ гисминдә истифадә олунан предметләрдән истифадә етмәклә террора һазырлыг), 228.3-ҹү (ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә), 278-ҹи (һакимијјәти зорла әлә кечирмә вә ја ону зорла сахлама) маддәләр үзрә шәрләнәрәк мөвҹуд режим тәрәфиндән тутулуб сахланмышлар.
Диггәт: Хәбәрдән истифадә етдикдә мәнбәјә истинад лазымдыр
