әввәли өтән сајларымызда
Гамбај Мәммәдову прокурорлугдан говдулар, амма...
Бу ола билмәзди, буна јол верилмирди... Сејидов һаггында ҹинајәт ишинә хитам верилмәси вә јенидән бәрпасы, онун мүһакимә олунмасы, бу мәсәләдә ҝүнаһкарларын ҹәзаландырылмасы Гамбај Мәммәдов үчүн һазырланан шәхси говлуғун зорла јазылан сәһифәләри иди. Бабајевин һәбси бу говлуғун ҝириши вә әсас мотивләриндән биријди. Нијә ҝөрә Әлијев Республика Прокурорлуғунун партија тәрәфиндән јарадылан комиссија тәрәфиндән јохланылмасына тәрәфдар олмады? Әлијев өзү дирижорлуг едәрди, амма партија удуза биләрди...
Азәрбајҹан КП МК бүросунун гәрары илә Гамбај Мәммәдов республика прокурору вәзифәсиндән азад едилди. Роман Андрејевич Руденкоја аз бир иш галды: әмрини вермәк, ишдән чыхармаг. Руденко буну јеринә јетирди. Һејдәр Әлијев вә диҝәрләри икили стандартла, икили асылылыгла Гамбај Мәммәдову вәзифәсиндән узаглашдырдылар.
Сабиг прокурору гоншусу олан јени прокурорун әли илә боғаҹагдылар
Республиканын јени прокурору “КГБ” сәдринин мүавини, Гамбај Мәммәдовун гоншусу Аббас Заманов тәјин олунду. О, прокурорлуг ишиндән чох узаг бир адамды. Мәммәдову пенсијаја ҝөндәрдиләр, амма депутат олараг галды. Әлијев ипә-сапа јатмаз прокурору бу јолла сакитләшдирмәк истәјирди...
Амма Мәммәдов буну гијмәтләндирә билмәди. Она иш тәклиф етдиләр, разы олмады. Прокурор кими ҝери дөнәҹәји барәдә дүшүндү. Бу, олан иш дејилди, Әлијеви алдатмаг мүмкүн дејилди: “Мән сәни номенклатур ишә неҹә тәјин едим? Сабаһ Москваја әризә јазаҹагсан, бәс онда нијә ишдән чыхарырдын, сорушмазлармы?”
Беләҹә гаршыдурма бир нечә ил давам етди.
Рәјасәт Һејәтиндә отуран Һејдәр
