Сејидовун ҝүнаһсызлығы ачыг-ашкар ҝөрүнүрдү. Анҹаг групда прокурорлуғун мүстәнтиги варды, рајон прокурору да бу әмәлијјата иҹазә вермишди, сонра да һәбс етди... Машын ишә дүшмүшдү, амма дишли чарх бир тәрәфә фырланырды. Һәр шеј комиссија сәдрини ҝүнаһкар чыхармаға јөнәлмишди. Амма Сејидов да барышмаг истәмирди. Һәр јерә шикајәт јазырды. Ыши бир нечә дәфә республика прокурору истәмишди, мүхтәлиф прокурорлар арашдырмышды. Һамы да ејни нәтиҹәјә ҝәлирди: Сејидов ганунсуз һәбс едилиб, ҝүнаһы јохдур.
әввәли өтән сајларымызда
Амма һамы “рүшвәтхорлугла мүбаризә”нин адындан чәкинирди, јахуд “мафија дәстәсинә” јаздырылмагдан горхурдулар. Буна ҝөрә дә һеч ким бу әдаләтли гәрары чыхармаг истәмирди. Бу сәбәбдән Сејидов алты ај һәбсханада јатды. Истинтаг мүддәтини бундан сонра јалныз республика прокурору узада биләрди.
Гамбај Мәммәдовун јанында оператив мүшавирә кечирилди, мәсәлә мүзакирә олунду. Һамы ејни фикирдәјди, иши бу вәзијјәтдә мәһкәмәјә ҝөндәрмәк олмазды. Сејидов азадлыға бурахылды, амма онун “әлиндә рүшвәт тутанлар” вәзијјәтлә барышмаг истәмирдиләр.
Әлчатмаз вә горхунҹ мәхфилик...
Азәрбајҹан елә дә бөјүк республика дејил, рәһбәрликдәкиләр дә бир-бирләрини јахшы таныјырлар. Сијаси конјунктура илә ојнамағы баҹармајанлар јерләрини тез итирирләр. Әлијевин республика прокурору илә мүнасибәтләриндән истифадә етмәк истәјәнләр бу мәгамы әлдән вермәдиләр. Кадр мәсәләсиндә партија рәһбәрлијинин “КГБ” вә Дахили Ишләр Назирлијинин мәхфи информасијаларынын мүһүм рол ојнадығыны да һеч ким унутмурду. Чүнки “мәхфилик” ады алтында истәнилән адама истәнилән бөһтаны атмаг оларды. Бунун јохланылма механизми дә јохду. Бир дә ки, республика рәһбәри дә, һеч бунун һәгигилијинин үзә чыхмасына тәрәфдар дејилди. Киминсә өзүнү т
