Әһли Бејт -АБНА- хәбәр аҝентлијинин вердији хәбәрә әсасән: Иран президенти Маһмуд Әһмәдинежад пајтахт Теһранда јерли вә хариҹи журналистләр үчүн мәтбуат конфрансы кечириб.
Милли.Аз хәбәр порталынын Түркијә КИВ-нә истинадән вердији мәлумата ҝөрә, түрк журналистин инҝилисҹә суал вермәси Иран президентинин хошуна ҝәлмәјиб. О, Түркијә телеканалларындан биринин әмәкдашына “Түркҹә даныш, мән дә баша дүшүм, бурадакылар да. Түркијәдән ҝәлибсән, амма инҝилисҹә данышырсан” дејә билдириб.
Иран Ислам Республикасы президенти журналистин суалына ҹаваб вердикдән сонра ҝүлүмсәјиб вә түрк дилиндә ики дәфә “Сағ ол” дејиб.
Гејд едәк ки, Маһмуд Әһмәдинежад әслән фарс олса да, азәрбајҹанлыларын јашадығы Маку вә Хојда, о ҹүмләдән, Әрдәбилдә дөвләт вәзифәләрини тутуб. О, кечән ил Истанбулда кечирдији мәтбуат конфрансында тәрҹүмәчи проблеми јарандығындан, түркҹә данышмышды.
Диггәт: Хәбәрдән истифадә етдикдә мәнбәјә истинад лазымдыр
