Әһли Бејт -АБНА- хәбәр аҝентлијинин вердији хәбәрә әсасән: Һаитидә вәбаја јени күтләви јолухма һаллары гејдә алыныб
АНС билдирир ки, Һаитидә бир мүддәт әввәл онларла инсанын өлүмүнә сәбәб олмуш вәба епидемијасына јени јолухма һаллары гејдә алыныб. Сон бир нечә ҝүндә пајтахт Порт-о-Пренс јахынлығында јени јолкухма һалларындан азы 10 нәфәр өлүб. Сәһијјә назири Габриел Тимотенин сөзләринә ҝөрә минләрлә инсан хәстәханаја јерләшдирилиб.
Бејнәлхалг һуманитар груплар Һаитидә һәр ҝүн 300-дәк јени јолухма һалынын гејдә алынмасы илә бағлы нараһатлыг ифадә едиб.
Хәстәлијинин өлкәдә ҝениш јајылмасына арамсыз јағышларын сәбәб олдуғуну иддиа едирләр. Вәбаја јолуханларын исә ади ҝиҝијена гајдалары вә һәкимләрин төвсијәләрәнә әмәл етмәдикләри билдирилир.
Хатырладаг ки, Һаитидә өтән илин октјабрында башлајан вә бир нечә ај давам едән вәба епидемијасы 5300-дәк инсанын өлүмүнә, 320 минәдәк инсанын исә јолухмасына сәбәб олимушду. Епидемијанын јајылмасына исә пајтахтда баш вермиш дағыдыҹы зәлзәләдән сонра сакинләрин узун мүддәт пис санитар шәраитдә чадыр дүшәрҝәләриндә јашамасы әсас вермишди.
Диггәт: Хәбәрдән истифадә етдикдә мәнбәјә истинад лазымдыр
