Әһли Бејт -АБНА- хәбәр аҝентлијинин вердији хәбәрә әсасән: Иранын Азәрбајҹандакы сәфирлији Иран Ислам Ингилабы Кешикчиләри Корпусунун (Сепаһын) рәһбәри Мәһәммәд Әли Ҹәфәринин президент Маһмуд Әһмәдинежадын һәбсинә иҹазә истәмәси илә бағлы Азәрбајҹан КИВ-дә јајылан мәлуматлары тәкзиб едиб.
Сәфирлијин мәтбуат катиби Аббас Исҝәндәри СаламНеwс-а ачыгламасында дејиб ки, бу кими мәлуматлар Исламын дүшмәнләри тәрәфиндән биләрәкдән јајылыр вә тәхрибат һесаб олунур: “Она ҝөрә дә Азәрбајҹан медиасынын бу кими гејри-дәгиг мәлуматлары истинадән јајмасы дүзҝүн дејил. Төвсијә едирәм ки, Азәрбајҹанда фәалијјәт ҝөстәрән истәнилән медиа органы Азәрбајҹан-Иран арасында мөвҹуд олан јахшы мүнасибәтләрә хәләл ҝәтирә билән мәлуматлары јајмасын. Адәтән, Иранла бағлы дәгиг мәлуматлары јерли мәнбәдән өјрәнмәк даһа дүзҝүн олар. Чүнки әксәр һалларда хариҹи медиа Иранла бағлы јалан мәлуматлар дәрҹ едир”.
Дүнән АПА аҝентлији сионист Исраил дөвләтинә мәхсус олан “Миҝнеwс”а истинадән мәлумат јајыб ки, Иран Ислам Ингилабы Кешикчиләри Корпусунун команданы Мәһәммәд Әли Ҹәфәри али дини лидер Ајәтуллаһ Әли Хаменеидән хаһиш едиб ки, президент Маһмуд Әһмәдинежадын һәбсинә иҹазә версин.
Диггәт: Хәбәрдән истифадә етдикдә мәнбәјә истинад лазымдыр
