Әһли Бејт -АБНА- хәбәр аҝентлијинин вердији хәбәрә әсасән: Онлар әгидәсинә ҝөрә һәбс олунмуш дустагларынын бурахылмасыны, кралын сијаси ислаһатлар апармасыны вә краллығын гошунларынын Бәһрејндән чыхарылмасыны тәләб едибләр.
Сәудијјә Әрәбистаныда Мүсәлман тәшкилатлары Әһли-бејт (ә) давамчыларындан олан дустагларын бурахылмасы үчүн Тарут шәһәриндә нүмајиши кечирибләр. Бу барәдә Сәудијјә Әрәбистанынын Тәһлүкәсизлик органлары мәлумат јајыб. Кечирилән аксијаја Тарут шәһәриндә јашајан Әһли-бејт (ә) давамчылары гошулуб.
Әрәбистан јарымадасында Инсан Һаггларынын Мүдафиәси Комитәси өз рәсми сајтында јајдығы мәлуматда гејд едир ки, аксија иштиракчылары һәмчинин краллығын гошунларынын Бәһрејндән чыхарылмасыны да истәјибләр. Аксија Сәудијјә Әрәбистанынын Тәһлүкәсизлик органлары тәрәфиндән дағыдылыб. Мәлуматда һәмчинин һәбс олунанларын да олдуғу билдирилир. Һәбс олунанлар һаггында әтрафлы мәлумат әлдә етмәк мүмкүн олмадығы гејд едилир.
Диггәт: Хәбәрдән истифадә етдикдә мәнбәјә истинад лазымдыр
