Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Ислам Партијасынын сәдр әвәз едиҹиси Елчин Манафов хебер44.ҹом сајтынын суалларыны ҹавабландырды.
-Һаҹы һиҹаб мәсәләси партијанын ҝүндәминдә дурурму?
Бәли, тәкҹә һиҹаб мәсәләси дејил, 3 мәсәлә ки, вар 1-Гарабағ мәсәләси, әрази бүтөвлүјүмүз, 2- Үмумиликдә ислама олан тәзјигләрә сон гојулмасы вә 3- Елә бу тәзјигләрин гурбаны, һиҹаб мүдафиәчиләри ки, мәһбусдурлар, бу мәһбуслара тезликлә азадлыг мәсәләси ҝүндәмдә дурур.
Бу зәминдә биз президентә мәктуб үнванламышдыг ки, президентлә ҝөрүшүб сөһбәт едәк.Ҝөрәк бүтүн бу оланлара презитентин мүнүсибәти неҹәдир, бу проблемләрә президент биҝанәдир јохса бу проблемләри һәлл етмәк истәјир.Бәлкә бу мәсәләнин һәлли онун игтидарында дејил, ја да ки, президентин бу оланлардан хәбәри јохдур.
Әҝәр јадыныздадырса Ханым Фатимеји Зәһра (с.ә) мәсҹиди о вахт сөкүлмәк тәһлүкәси илә үзләшмишди. Лап сонунда мәлум олду ки, јалан-доғру президентин бу мәсәләдән хәбәри јох имиш вә хәбәр тутан кими мәсҹидин сөкүлмәмәси барәдә сәрәнҹам вериб.
Бәлкә бу мәсәләләри дә она ҝедиб чатдырмајыблар.Инди биз дә истәјирик ки, президентлә ҝөрүшәк, бу өлкәнин бир нөмрәли шәхси кими биз онун өз дилиндән ешидәк ҝөрәк бу мәсәләләр нәдир, бу мәсәләдә кимләрин әли вар, президент бу мәсәләнин һәлли үчүн чалышыр јохса јох.
-Сизҹә сизин мүраҹиәтиниз президентә ҹатыбмы ?
Валлаһ биз бу ишлә бағлы мәсул шәхсләрлә мүтәмади марагланырыг. Бизә јох ҹавабы вермирләр. Дејирләр арашдырырыг вә тезликлә ҹаваб дејәҹәјик. Бир аз ағыр, мәсулијјәтли мәсәләдир.Ҝөзләјин.
Она ҝөрә дә биз һәлә ҝөзләјирик. Бизим үчүн дә ҹаваб алмамыш һәр һансыса бир тәдбирә әл атмағымыз намәрдлик олар. Биз өз ишимиздә чалышырыг ки, вердијимиз сөзә әмәл едәк. Амма бир хәбәр чыхмаса сөзүмүз сөздүр. Митинг үчүн мүраҹиәт едәҹәјик. Сон дәфә.
-Сизин ҝөзләмә вахтыныз нә вахта кимидир? 1 ај, 2 ај, 3 ај ?
Биз бунлардан конкрет ҹаваб ҝөзләјирик.Ҝөрәк бу ҝөрүш алынаҹаг ја алынмајаҹаг. Әлбәттә биз демишик ки, мүмкүн гәдәр тез бир заманда бизә ҹаваб билдирсинләр. Она ҝөрә дә биз һәлә ҝөзләјирик. Һәр шејин мүәјјән һәдди вар. Бу лап ағ олар ки, 2 ај, 3 ај ҝөзләјәсән. Бу нә мәсәләдир ки, һеч олмаса- һеч олмаса бир он ҝүнә, ијирми ҝүнә һәлл олунмалы мәсәләдир.
Амма мәсәләнин һәлл олунмајаҹағы тәгдириндә дедијимиз кими митинг үчүн мүраҹиәт едәҹәјик, сон дәфә иҹазә истәјәҹәјик. Әҝәр она да иҹазә вермәсәләр артыг биз олаҹаглардан мәсулијјәт дашымырыг. Артыг мәсулијјәти онларын өзләри дашијаҹаглар.
-Мүсаһибә үчүн миннәтдарыг. Сағ олун.
Сиз дә сағ олун. Аллаһ аманында.
Диггәт: Хәбәрдән истифадә етдикдә мәнбәјә истинад лазымдыр
